Şriftin ölçüsü :

Saytın rəngi :

Yeni Azərbaycan Partiyası 25

21 noyabr 2017 | 16:00

Masallı rayon Heydər Əliev Mərkəzində Yeni Azərbaycan Partiyasının yaradılmasının 25-ci ildönümünə həsr olunmuş tədbir keçirildi.

Öncə ulu öndər Heydər Əliyevin abidəsi önünə gül-çiçək dəstələri qoyuldu.
Yubiley tədbiri Mərkəzin iclas zalında davam etdirildi, YAP Masallı Rayon Təşkilatının sədri Seyfəddin Əliuev yubiley tədbirini açdı.
Tədbirdə partiya fəalları, ərazi ilk partiya təşkilatı sədrləri, idarə, müəssisə rəhbərləri və yerli və respublika kütləvi informasiya vasitələrinin nümayəndələri iştirak edirdilər.
YAP Masallı Rayon Təşkilatının sədri Seyfəddin Əliyev tədbir iştirakçılarına Yeni Azərbaycan Partiyasının yaranmasının 25-ci ildönümü münasibəti ilə təbriklərini çatdırdı.
Yeni Azərbaycan Partiyasının yaranmasının 25-ci ildönümünə həsr olunmuş yubiley tədbirində Masallı Rayon İcra Hakimiyyətinin başçısı cənab Rafil Hüseynov tədbirdə çıxış edərək, ümummilli lider Heydər Əliyevin rəhbərliyi ilə təsis olunmuş partiyanın keçdiyi şərəfli yoldan, ötən 25 ildə qazanılmış uğurlardan, dövlətçiliyimizin qorunması və möhkəmlənməsində, ölkəmizin ictimai-siyasi, iqtisadi tərəqqisində xidmətlərindən danşdı.
YAP Masallı Rayon Təşkilatı İdarə Heyətinin üzvü, Pezident təqadçüsü Şirvan Əbilov tədbir iştirakçılarına Yeni Azərbaycan Partiyasının yaranmasının 25-ci ildönümü münasibətiilə təbriklərini çatdırdı və geniş məruzə ilə çıxış etdi. Həmin çətin dövrlərdə partiyanın yaranma tarixindən, YAP-ın təsis konfransında çıxışından, dahi Heydər Əliyevlə şəxsi görüşlərindən danışdı.
Qeyd olundu ki, YAP-ın yaranması, formalaşması və inkişafı xalqımızın xilaskarı ümummilli liderimiz Heydər Əliyevin adı ilə bağlıdır. Partiyamız öz fəaliyyəti ilə qısa vaxtda Azərbaycan xalqının böyük rəğbətini qazanaraq əsl xalq partiyasına çevrilmişdir. Öz sıralarında 700 mindən çox insanı birləşdirən Yeni Azərbaycan Partiyası hazırda özünün çox şərəfli günlərini yaşayır. Ümummilli liderimizin layiqli siyasi varisi, möhtərəm Prezidentimiz cənab İlham Əliyevin sədrliyi ilə Yeni Azərbaycan Partiyası öz fəaliyyətini uğurla davam etdirir. Bunun nəticəsidir ki, YAP iqtidar partiyası olaraq nəinki respublikamızda, həm də regionda aparıcı partiyalardan birinə çevrilmişdir. Bu ondan irəli gəlir ki, partiyamızın sıralarına Heydər Əliyev ideyalarına, partiyanın Proqram və Nizamnaməsinə sadiq olan, onun siyasi kursunu dəstəkləyən insanlar toplaşır. Bunun özü ən böyük müvəffəqiyyətdir ki, Yeni Azərbaycan Partiyası yarandığı gündən bir neçə ay sonra bu təşkilatın banisi Heydər Əliyev müstəqil Azərbaycan Respublikasının Prezidenti seçilmişdir.
25 ildir ki, iqtidarda olan Yeni Azərbaycan Partiyası ölkəmizin inkişafı və tərəqqisi istiqamətində çox mühüm addımlar atır. Bu da partiyamızın həyata keçirdiyi siyasətin əsasında dövlətin, xalqın ümummilli maraqlarının, mənafeyinin dayanmadan qorunmasından irəli gəlir.
Çox sevindiricidir ki, indi müstəqil Azərbaycanımızda ümummilli liderimizin düşünülmüş və məqsədyönlü siyasəti möhtərəm Prezidentimiz, YAP-ın sədri cənab İlham Əliyev tərəfindən uğurla davam etdirilir. Buna görədir ki, bu gün Azərbaycan regionda və dünyada iqtisadi inkişaf baxımından liderliyi ələ almışdır. Artıq Vətənimiz sabitlik diyarı, demokratik, sivil dəyərlərə sadiq dövlət imici qazanmışdır. Partiyamız isə, ulu öndərimizin dediyi kimi, dünənin, bu günün və gələcəyin partiyası olaraq yaşayır və fəaliyyət göstərir.
Sonra məruzəçi göstərdi ki, rayonumuzun sakinləri 26 fevral 1993-cü ildə Masallı Rayon Təşkilatının təsis konfransını keçirdi. O dövrdə rayonumuzun sakinləri YAP sıralarına böyük həvəslə, heç bir təzyiq və təqiblərdən çəkinmədən daxil oldular.
YAP Masallı Rayon Təşkilatı da partiyamızın müəyyənləşdirdiyi strateji xəttin ardıcıllıqla həyata keçirilməsi istiqamətində fəaliyyət göstərir. Bunun bariz nümunəsi olaraq Masallı rayonunda son bir neçə ildə sosial-iqtisadi proqramların həyata keçirilməsi, rayonun bütün ərazisində abadlıq, quruculuq işlərinin aparılması, infrastrukturun yenidən, müasir tələblərə cavab verən səviyyəyə çatdırılması, rayonda fəaliyyət göstərən sənaye, emal müəssisələri və kənd təsərrüfatının inkişafı və bu inkişafda əhalinin iştirakının kütləviliyinin artırılması üçün rayon təşkilatının sıralarında olan üzvlərinin səfərbər olunmasıdır.
Yola saldıgımız 25 il YAP Masallı rayon təşkilatı üçün çox uğurlu olmuşdur.Yeni Azərbaycan Partiyasının bir parçası olan Masallı rayon təşkilatı partiyamızın inkişafına töhfə verməkdə davam edir. Bu gün Masallı rayon təşkilatı öz ətrafında 105 ərazi ilk təşkilatını birləşdirir. Bununla yanaşı rayon təşkilatında Qadınlar Şurası və Gənclər Birliyi fəaliyyət göstərir.Partiya üzvlərimizin sayı 11228 nəfər təşkil edir.Partiya üzvlərinin 3289 nəfərini qadınlar, 2844 nəfərini gənclər təşkil edir.Təhsilinə görə 3502 nəfər-Ali, 2137 nəfər-orta ixtisas, 5585 nəfər orta təsillidirlər.Cari il ərzində Yeni Azərbaycan Partiyası sıralarına 443 nəfər qəbul edilmişdir. Ərazi ilk partiya təşkilatlarında partiyaya qəbul zamanı gənclərin boy sırasının artırılmasına xüsusi diqqət yetirilir.
Göründüyü kimi, Yeni Azərbaycan Partiyası ötən 25 il ərzində böyük siyasi nüfuz, ictimai dayaq qazanmışdır. Biz, Yeni Azərbaycan Partiyasının üzvləri heç vaxt unutmamalıyıq ki, Ulu Öndərimiz, partiyamızın banisi bizlərə Müstəqil Azərbaycan Respublikasını və Yeni Azərbaycan Partiyasını əmanət qoyub getmişdir. Biz onların hər ikisini göz bəbəyi kimi qorumalı, Ümummilli Liderin ideyaları ətrafında sıx birləşməklə möhtərəm Prezidentimizə, YAP-ın sədrinə arxa olmalıyıq. Prezident İlham Əliyevin dediyi kimi, Yeni Azərbaycan Partiyasının bayrağını həmişə uca tutmalıyıq.
Masallı Rayon “Ziyalılar cəmiyyəti”nin sədri Qardaş Fətullayev, Boradigah xəstəxana ərazi ilk partiya təşkilatının sədri Fizuli Fətullayev, gənc YAP üzvü
Rəmzi Şahverdiyev, Şatıroba məktəb ərazi ilk partiya təşkilatının sədri Ülviyyə Səfərova məruzə ətrafında çıxış etdilər.
Sonra YAP üzvlərinin Azərbaycan Respublikasının Prezidenti, Yeni Azərbaycan Partiyasının sədri İlham Əliyevə müraciəti qəbul olundu.
Tədbirin sonunda rayonun ictimai-siyasi həyatında fəal iştirak edən bir qrup partiya üzvünə YAP rayon təşkilatının Fəxri fərmanları və qiymətli hədiyyələr, partiya sıralarına yeni qəbul olunmuş gənclərə isə vəsiqələr təqdim olundu.
Sonda xatirə şəkli çəkdirildi.

Keçidlər