Masallıda ağacəkmə kampaniyası
Heydər Əliyev Fondunun vitse-prezidenti Leyla Əliyevanın təşəbbüsü ilə yaradılan Ətraf Mühitin Mühafizəsi Fəaliyyəti üzrə Beynəlxalq Dialoq və İctimai Maarifləndirmə Kampaniyası çərçivəsində martın 14-də IDEA İctimai Birliyinin təşəbbüsü ilə həyata keçirilən Ümumrespublika Yaşıllaşdırma Marafonu Masallıda iməcilik keçirilib.
Kampaniyada rayonun bütün idarə, müəssisə və təşkilatların əməkdaşları, ictimaiyyət nümayəndələrinin qatıldığı iməcilik zamanı Masallı-Yardımlı magistral yolunun Ərkivan qəsəbəsindən Qəriblər kəndinədək olan ərazidə ağac əkilib. Eyni zamanda ağac əkini kampaniyası Masallı şəhəri ilə yanaşı, rayonun bütün yaşayış məntəqələrini əhatə edib. Aksiya çərçivəsində əkin üçün ayrılan sahələr yararlı vəziyyətə gətirilib.
Ümumilikdə gün ərzində rayon ərazisində yerli şəraitə uyğun 3000 ağac əkilib. Əkilən ağaclar suvarılıb, onların qorunması üçün mühafizə zolaqları çəkilib.
İməcilk zamanı həmçinin əvvəllər əkilən ağac və bəzək kollarına, yaşıllıqlara da qulluq göstərilib, park və xiyabanlarda səliqə-sahman yaradılıb.