Masallıda XXII Ənənəvi Respublika turniri keçirilmişdir.
05-06 dekabr 2016-cı il tarixlərdə Masallı Olimpiya Kompleksində Azərbaycan Respublikası Gənclər və İdman Nazirliyi, Azərbaycan Respublikası Güləş Federasiyası və Masallı rayon Gənclər və İdman İdarəsinin birgə təşkilatçılığı ilə Azərbaycanın Respublikasının əməkdar məşqçısı , SSRİ– idman ustası mərhum Nadir Yaqub oğlu Ağayevin xatirəsinə həsr olunmuş yunan-roma güləşi idman növü üzrə yeniyetmələr arasında XXII ənənəvi Respublika turniri keçirilmişdir.
Tədbirin açlış mərasimində Masallı rayon Gənclər və İdman İdarəsinin rəisi Camal Manafov çıxış edərək ölkəmizdə idmanın inkişafına göstərilən dövlət qayğısından, bu sahədə qazanılan uğurlardan Nadir Yaqub oğlu Ağayevin xatirəsinə həsr edilən yunan-roma güləşi üzrə keçirilən ənənəvi Respublika turnirin əhəmiyyətindən danışaraq idmançılara uğurlar diləmişdir.
Tədbirdə Masallı rayon İcra hakimiyyətinin İctimai-siyasi şöbəsinin baş məsləhətçisi Qəşəməm Hadıyev çıxış edərək cənab başçı Rafil Hüseynovun adından gələn qonaqları və idmançıları salamlamış və cənab Prezident İlham Əliyevin rəhbərliyi ilə ölkəmizdə idmanın bütün növlərinin, həmçinin güləş idman növünün inkişafına diqqət və qayğı göstərildiyini vurğuladı.
Tədbirdə Masallı rayon İcra hakimiyyətinin şəhər ərazi nümayəndəsi Kamal Mazanov çıxış edərək tədbirin təşkil olunmasında əziyyət çəkən bütün insanlara öz dərin minnətdarlığını bildirərək, idmançılara uğurlar arzulamışdır
Daha sonar tədbirdə Azərbaycan Respublikası Gənclər və İdman Nazirliyinin Əməkdaşı Tofiq Eyvazov, , Azərbaycan Güləş Federasiyasının vitse Prezidenti şöhrət ordenlı Elçin Cəfərov çıxış edərək yarışın yüksək səviyyədə təşkilinə, idmançılar üçün yaradılan şəraitə görə öz minnətdarlığlarını bildirərək, güclərini sınamaq üçün gəlmiş bütün güləşçiləri təbrik etmiş və hər bir iştirakçıya uğurlar diləmişlər.
İki gün davam edən turnirdə UGİM-ri , İdman cəmiyyətləri və İdman klublarından 15-dən artıq komandadan 250 nəfər idmançının iştrak etdiyi yarışda qalib gəlmiş idmançılar Masallı rayon Gənclər və İdman İdarəsi tərəfindən diplom , medal və sponsorlar tərəfindən qiymətli hədiyyələrlə təltif olunmuşdur.
