Masallıda “Nə? Harada? Nə zaman” İntellektual oyunu
05 may 2017-ci il tarixdə Masallı şəhər Gənclər Mərkəzində yeniyetmə və gənclər arasında “Nə? Harada? Nə zaman” intellektual oyunu üzrə rayon birinciliyi keçirilmişdir.
Masallı rayon Gənclər və İdman İdarəsinin və Təhsil şöbəsinin birgə təşkilatçılığı ilə ümummilli lider Heydər Əliyevin anadan olmasının 94-cü ildönümünə həsr olunmuş tədbirin açılış mərasimində rayon Gənclər və İdman İdarəsinin rəisi Camal Manafov çıxış edərək iştirakçıları salamlamış və ölkədə aparılan gənclər siyasətinin hədəflərini, gənclər təşkilatlarının və gənclərin bu siyasətin həyata keçirilməsində fəal iştirakını, onların hərtərəfli inkişafı üçün zəruri şəraitin yaradıldığını diqqətə çatdırıb.
Gərgin və maraqlı mübarizə şəraitində keçən bilik yarışının yekununda F.Xancanov adına Musaküçə kənd tam orta məktəbinin komandası birinci yerə, Qəriblər kənd tam orta məktəbinin komandası ikinci yerə, B.Şiriyev adna Mollaoba kənd tam orta məktəbinin komandası üçüncü yrə layiq görülmüşdür.
Rayon birinciliyində qalib gəlmiş komandalar Masallı rayon Gənclər və İdman idarəsi tərəfindən diplomla təltif olunmuşlar.
