Masallıda Cüdo idman növü üzrə açıq rayon birinciliyi

           05-06 noyabr  2017-ci il tarixlərdə  Masallı şəhər 2 saylı tam orta məktəbin idman zalında Masallı rayon Gənclər və İdman İdarəsinin təşkilatçılığı ilə  “09 Noyabr Dövlət Bayrağı Günü”nə həsr olunmuş cüdo idman növü  üzrə  kiçik yaşlı uşaqlar, yeniyetmə və gənclər arasında açıq rayon birinciliyi keçirilmişdir.

Yarışın açılış mərasimində  Masallı rayon Gənclər və İdman İdarəsinin rəisi Camal Manafov, Masallı rayon Gənclər və İdman İdarəsinin nəzdində fəaliyyət göstərən Uşaq Gənclər İdman məktəbinin direktoru Elxan Kərimov, Bakı komandasının məşqçi-müəllimi, əməkdar məşqçi Vahid Tarverdiyev və Masallı rayon Gənclər və İdman İdarəsinin nəzdində fəaliyyət göstərən Uşaq Gənclər İdman məktəbinin məşqçi-müəllimi əməkdar məşqçi Xanağa Quliyev  çıxış edərək Dövlət Bayrağı Gününün əhəmiyyətindən, bayrağımızın hər bir Azərbaycan vətəndaşı üçün qürur mənbəyi olmasından söz açdılar, son illər idman sahəsində  görülən inkişaf yönümlü işlərə toxunaraq idmanızmızın inkişafından bəhs etdilər. Sonda yarışın əsas məqsədinin Rayonda cüdo idman növünə olan marağı daha da artırmaq idmançılarda hərbi vətənpərvərlik ruhunu  yüksəltmək və vətənə məhəbbət hissinin gücləndirilməsi və idmançıların dostluq əlaqələrinin möhkəmləndirilməsi olduğunu vurğuladılar.
Sonra 11 çəki dərəcəsində 150 nəfərə yaxın  kiçik yaşlı uşaqlar , yeniyetmə və gənc  idmançıların iştrakı ilə keçirilən yarışda, Masallı rayon idmançıları ilə yanaış Bakı şəhərinin bir neçə komandası və Lənkəran rayon komandaları mübarizə aparmışlar.
           İki gün davam edən yarışın ümumi nəticəsinə əsasən birinci yeri Masallı rayon idmançıları, ikinci, üçüncü yerləri müvafiq olaraq Bakı şəhərinin idmançıları tutmuşlar.
          Yarışda  qalib gəlmiş idmançılar Masallı rayon Gənclər və İdman İdarəsi  tərəfindən diplom və medal mükafatlandırılmışlar.