Masallıdan Cənab Prezidentə minnətdarlıqlar davam edir
Eldəniz İbrahimovdan, Masallı, Azərbaycan
19 may 2020 president.az
Möhtərəm cənab Prezident.
Bu gün ölkəmizdə aparılan inqilabi islahatların gözəl nəticəsi hiss olunmaqdadır. Ümummilli lider Heydər Əliyev akademiyasının məzunu kimi Sizin müdrik siyasətinizin nəticəsi olaraq, Azərbaycan cənnət diyara çevrilmişdir. Qlobal pandemiyanın yayıldığı zamanda məhz Sizin rəhbərliyinizlə koronavirusla mübarizədə dövlət vaxtında qabaqlayıcı tədbirlər gördü. Bunun nəticəsidir ki, Azərbaycanda xəstələrin sayı da çox az oldu. Bu gün Siz bir daha sübut etdiniz ki, Azərbaycan xalqına xidmət edirsiniz. Ölkəmizdə COVID-19 infeksiyasına qarşı görülmüş bütün qabaqlayıcı tədbirlər insanlarımızın sağlamlığının qarantıdır. Sizin işsiz vətəndaşlara və sahibkarlara göstərdiyiniz maddi və mənəvi dəstəyiniz əsl rəhbər, dövlət başçısı qayğısının təzahürüdür.
Cənab Prezident, Masallı rayonunun sakinləri bütün bunlara görə Sizə təşəkkür edir, möhkəm cansağlığı, çətin və şərəfli işinizdə yeni uğurlar arzulayır.
Dərin hörmətlə,
İbrahimov Eldəniz
Azərbaycan Respublikası, Masallı rayonu, Xırmandalı kəndi.
