Futbol üzrə 13 yaşadək uşaqlar arasında Respublika turniri

2017/2018-ci il mövsümü üçün Azərbaycan Futbol Federasiyaları Assosiasiyası (AFFA) tərəfindən Coca-Cola-nın sponsorluğu ilə 13 yaşadək (U-13) futbolçulardan ibarət komandalar arasında keçirilən Azərbaycan çempionatının nəticələri rayonumuz  üçün uğrlu  olmuşdur. Rayonumuzun Ə.Bağırov  adına  Ərkivan qəsəbə  4 saylı tam orta  məktəbinin komandası bu  yarışlarda  müvəfəqiyyətlə iştirak  edərək turnirdə  3-cü yerə  çıxmış  və  bürünc  medallarla  mükafatlanmışdır.

      Turnirin  rayon  birincisi  olan  komandamız  zona  birinciliyində  Lənkəran,Astara ,Lerik  və Yardımıdan olan həmyaşıdlarını geridə  qoyaraq yarımfinal  mərhələsinə  çıxmış, daha  sonra  Şirvan şəhərində  İmişli  komandasına 5:4  hesabı  ilə qalib gələrək  final  mərhələsinə yüksəlmişdir.
      Bakı  şəhərində  keçirilən  final mərhələsində  Xətayi  rayon komandasını 7:5  hesabı ilə  udub yarışların ½  mərhələsinə  çıxmış, lakin burada  daha  güclü  olan Binəqədi komandasına  məğlub olub  3-cü  yer  uğrunda  mübarizəyə  qalmış  və  bu  mübarizədə Mingəçevir  şəhərindən olan həmyaşıdlarına 2:1 hesabı ilə  qalib gəlib bürünc  medala  layiq  görülmüşdür. Binəqədi  rayonun  idmançıları  yarışların qalibi  olmuş,Qazax  rayonunun komandası  isə  2-ci yeri tutmuşdur. Komandamızın qapıçısı  Afər  Quliyev turnirin “Ən yaxşı  qapıçı”  xüsusi  mükafatına  layiq  görülmüş  və orada  olan mütəxəssislərin diqqətini  çəkmişdir.
         Komandanı yarışlara  məşqçi Ramil  Həsənov  və  məktəbin fiziki  tərbiyə  müəllimi N.Cəbrayılov  hazırlamışdır.