Səhiyyə

Masallı səhiyyəsi barədə

         Ölkədə icbari tibbi sığortanın tətbiqi və idarəetmə sisteminin formalaşdırılması məqsədilə qanunvericilik bazası yaradılmış, Azərbaycan Respublikası Prezidentinin 2016-cı il 29 noyabr tarixli 1127 nömrəli Fərmanı ilə Mingəçevir şəhərinin, Yevlax və Ağdaş rayonlarının inzibati ərazilərində icbari tibbi sığortanın tətbiqi pilot layihə olaraq həyata keçirilməyə başlamışdır. Layihə çərçivəsində icbari tibbi sığortanın baza zərfinə daxil olan tibbi xidmətlərin siyahısı və tarifləri təsdiq edilmiş, icbari tibbi sığortanın tətbiqinin üstünlükləri və əhəmiyyəti barədə əhalidə əyani təsəvvür yaranmışdır. Bundan başqa, göstərilmiş tibbi xidmətlər müqabilində tibb işçilərinin mövcud əmək haqlarına müəyyən olunmuş əlavələr həkimlərin və digər səhiyyə işçilərinin sosial rifahının yüksəldilməsinə səbəb olmuşdur.

         2022-ci ilin yanvar ayının 1-dən Respublika üzrə bütün tibb müəssisələri İcbari Tibbi Sığorta üzrə fəaliyyət göstərir. O, cümlədən MRX-da da hər şöbə üzrə qeydiyyat məntəqələri yaradılmışdır. Əhali qeydiyyat məntəqələrindən keçərək müvafiq həkimlərə yönləndirilir. 2024-cü ildə RMX-da 77260 ambulator müraciət qeydə alınmış, 349475 nəfərə xidmət göstərilmişdir. 7215 nəfərə digər tibb müəssisələrinə göndəriş verilmişdir. 3016 nəfər stasionar xəstəyə 22268 stasionar xidmət göstərilmişdir. 1805 cərrahi əməliyyat icra olunmuşdur. İcbari Tibbi Sığortanın tədbiqi ilə əlaqədar olaraq vətəndaşların sağlamlıqla bağlı əksər problemlərinin həlli artıq daha əlçatan olmuşdur. Dövlət tibb müəssisələrində göstərilməyən bəzi əməliyyat və xidmətlərlə bağlı TƏBİB-lə müqaviləsi olan özəl tibb müəssisələrinə göndəriş verilmişdir. Eyni zamanda koronar angioqrafiya, angioplastika, endoprotezlənmə və digər mürəkkəb əməliyyatlar vətəndaşlarımız üçün İcbari Tibbi Sığorta hesabına həyata keçirilir.

         Həmçinin İcbari Tibbi Sığorta haqqında qanuna əsasən Azərbaycan Respublikası Səhiyyə Nazirliyinin tabeliyindəki dövlət səhiyyə sisteminə daxil olan tibb müəssisələri (Məhkəmə Psixiatrik Ekspertiza Mərkəzi, Məhkəmə Tibbi Ekspertiza və Patoloji Anatomiya Birliyi və onun şöbələri, Respublika Gigiyena və Epidemiologiya Mərkəzi, habelə onun tabeliyindəki dezinfeksiya stansiyaları və profilaktik dezinfeksiya şöbələri, Əczaçılıq və Tibb Sənayesi Birliyi, tibb tədris müəssisələri, Akademik Zərifə Əliyeva adına Milli Oftalmologiya Mərkəzi və onun Masallı rayon filialı, Milli Onkologiya Mərkəzi və onkoloji xəstəxanalar (dispanserlər), Respublika Leproz (Cüzam) Xəstəxanası, taun əleyhinə stansiya və şöbələr, İctimai Səhiyyə və İslahatlar Mərkəzi, Respublika QİÇS-lə Mübarizə Mərkəzi, ailə planlaması məsləhətxanaları və mərkəzləri, ailə və nikah məsləhətxanaları, “Tibb” qəzeti, “Azərbaycan Tibb Jurnalı”, Azərbaycan Respublikası Dövlət Elmi-Tibbi Kitabxanası, Azərbaycan Təbabəti Muzeyi, “Dərman Vasitələrinin Analitik Ekspertiza Mərkəzi” və “Azərtibbtəchizat” məhdud məsuliyyətli cəmiyyətləri, İnnovasiya və Təchizat Mərkəzi, sanatoriyalar və kurort üsulları ilə müalicə edən tibb müəssisələri, Bakı Sağlamlıq Mərkəzi, Talassemiya Mərkəzi və Tikilməkdə Olan Müəssisələrin Müdiriyyəti istisna olmaqla) TƏBİB-in tabeliyinə verilmişdir.

         Bundan başqa 2024-cü ilin sentyabr ayından Masallı RMX PHŞ-nin tabeliyində olan Təcili Tibbi Yardım stansiyası RMX-nin tabeliyindən çıxarılaraq Respublika Təcili Yardım Mərkəzi PHŞ-nin tabeliyinə verilmişdir. Hazırda bu məsələ ilə bağlı təhvil-təslim işləri aparılır.

        Rayonumuzda 2 xəstəxana, 5 ailə sağlamlıq mərkəzi, 28 həkim, 27 tibb məntəqəsi fəaliyyət göstərir. İlkin  tibbi xidmətə yararsız olan uyğunlaşmış binalarda, fərdi yaşayış evlərində yerləşən və bina olmadığı üçün səyyari qaydada fəaliyyət göstərən 1 həkim məntəqəsinin əsaslı təmirinə, qəzalı vəziyyətdə olan 22, o cümlədən ilkin tibbi  xidməti səyyarı şəkildə həyata keçirən, inzibati binası olmayan 4 tibb məntəqəsinin (Köhnə Zuvandlı, Bina Xocavar, Hacıtəpə, Xanalion kəndlərində) ümumilikdə 26 həkim və tibb məntəqəsinin tikintisinə ehtiyacı vardır. Həmin həkim və tibb məntəqələrində  əhaliyə göstərilən tibb xidmətin səviyyəsi qənaətbəxş olmadığından kənd sakinlərinin narazılıqlarına səbəb olmaqdadır. Bununla əlaqədar olaraq Masallı Rayon İcra Hakimiyyətinin başçısı tərəfindən “Tibbi Ərazi Bölmələrinin İdarəetmə Birliyi” PHŞ-nin İdarə Heyətinin icraçı direktoru cənab Vüqar Qurbanova məktub ünvanlanmışdır.      

          Masallı rayon Mərkəzi Xəstəxanasının qazanxanasının qaz xətti əhali xəttinə qoşulduğu üçün qazın təziqi az olduğundan yenidən onun sənaye xəttinə qoşulmasından ötrü adiyyəti üzrə müraciət olunmuşdur. Lakin hazırkı vaxta qədər qeyd olunan məsələ həllini tapmamışdır.

          Rayonun tibb müəssisələrində  ümumilikdə 971 nəfər (654 nəfər qadın, 317 nəfər kişi) çalışır. bunlardan 151 nəfər həkim, 411 nəfər orta tibb işçisi, 409 nəfəri isə kiçik və və digər texniki işçilərdir. Hazırda rayonumuzda 74 nəfər həkim(bunlarda 45 nəfəri RMX-da, 29 nəfəri ərazi üzrə tibb məntəqələrində) 92 nəfər orta tibb işçisi( bunlardan 28 nəfər RMX da, 64 nəfəri isə digər tibb müəssisələrində) yeri vakantdır. RMX-da həkim onkoloq, həkim nevropatoloq, həkim psixiatr, həkim otorinolarinqoloq, həkim ginekoloq, həkim kardioloq, həkim infeksionist kimi ixtisaslı həkimlərə ehtiyac var.

          MRX-nın PHŞ-nə müraciət edən vətəndaşların narazlıqlarının yaranmasına səbəb olan əsas məsələlərdən biri də əliliyin müəyyən olunması ilə bağlı yaranmış problemlərdir. Azərbaycan Respublikası Nazirlər Kabinetinin 13.05.2022-ci il tarixli qərarı ilə müəyyən edilmiş yeni əlillik meyarları əsasən xəstəliyə uyğun gəlmədiyinə görə əliliyi TSEK-tərəfindən dayandırılan və ya əlillik dərəcəsinin verilməsinə imtina cavabı verilən vətəndaşlar bununla razılaşmaq istəmir.

         Şəkərli diabet xəstələri üçün dövlət proqramı çərçivəsində şəkərsalıcı dərman vasitələri təmin edilsə də, qanda şəkərin miqdarını təyin edən qlikometr və striplərin verilməsində müəyyən çatışmazlıqlar mövcuddur.

         Rayonda dezinfeksiya işlərinin mütəmadi aparılması və təcili tibbi yardımın əlçatanlığı üçün aidiyyəti qurumlarda nəqliyyat vasitələrinin olmaması bu sahələrdə çətinliklər yaradırdı. Küçələrin dezinfeksiyaedici məhlullarla yuyulması üçün 3 ədəd “Kamaz”markalı su maşınına, həmçinin əhaliyə göstərilən tibb xidmətin səviyyəsinin yüksəldilməsi məqsədi ilə 2 təcili tibbi yardım maşınının ayrılmasına ehtiyac olduğuna görə iyun 2020-ci il tarixdə Azərbaycan Respublikasının Baş Nazirinə məktub ünvanlanmışdır. Müraciətimiz nəzərə alınaraq Masallı RMX PHŞ-nə 2 ədəd yeni təcilli tibbi yardım avtomobil verilmişdir.

         İcbari tibbi sığorta öz xidtmətlərinin sayını ildən-ilə artırır, bu da vətəndaş məmnuniyəti ilə qarşılanır.

62-dən artıq masallılı həkim tibb üzrə alimdir

Onlardan 20-si tibb elmləri doktoru 43-ü tibb üzrə fəlsəfə doktorudur (Onlardan 9 nəfəri qadındır).

Masallının ilk tibb elmləri doktoru Əvəz Cəbiyevdir.
Ən çox tibb üzrə alim yetirən ərazi Qızılağac kəndidir: 10 nəfər – 4 tibb elmləri doktoru, 6 tibb üzrə fəlsəfə doktoru (onlardan 2 nəfəri qadındır).

Bu sahədə 2-cilik isə Bədalan kəndinə məxsusdur. Bu kənddən 6 nəfər tibb üzrə fəlsəfə doktorudur.


Tibb üzrə Elmlər doktorları

1. Cəbiyev Əvəz Abdulhəsən oğlu - tibb elmləri doktoru. Professor. Ərkivan qəsəbəsi, Cəbili m. Vəfat edib.
2. Abdullayev Heybət İzzət oğlu - tibb elmləri doktoru, Professor. Boradigah qəsəbəsi Mollaoba Kəndi. Vəfat edib.
3. Ağayev Məmmədhəsən Məmməd oğlu - tibb üzrə elmlər doktoru, Professor. Banbaşı kəndi.
4. Niftullayev Məhərrəməli Zülfüqar oğlu – tibb elmləri doktoru, Professor. Ərkivan. Bədirli m.

5. Məmmədov Əliniyaz Əli oğlu - tibb üzrə elmlər doktoru, professor. Güllütəpə. Tatyan. 
6. Nağıyev Vaqif Mirəsgər oğlu - Tibb elmləri doktoru, professor. Xıl kəndi. Vəfat edib.
7. Bəylərbəyov Şahkərim Əlibəy oğlu – Tibb üzrə elmlər doktoru. Professor. Vəfat edib. Xıl kəndi.
8. Əliyev Məşhədi Yusif Hacı Məcid oğlu – tibb üzrə elmlər doktoru. Qızılağac. Vəfat edib.

9. Ələkbərov Cəbrayıl Ələkbər oğlu – tibb üzrə elmlər doktoru, travmatoloq, professor. Qızılağac.
10. Abdullayev Fərman Musa oğlu - tibb üzrə elmlər doktoru, professor. Qızılağac
11. Abbasov Namiq Abdulsəmid oğlu - tibb üzrə elmlər doktoru, professor. Qızılağac
12. Qurbanov Şair Xalıq oğlu - tibb üzrə elmlər doktoru, professor. Qızılavar

13. Əzizov Vəsadət Əli oğlu - tibb üzrə elmlər doktoru, professor, ATU-nun kafedra müdiri. Qızılavar
14. Ağayev Mehman Məmmədrahim oğlu - tibb üzrə elmlər doktoru, ATU-nun professoru. Mahmudavar. 
15. Eyvazov Rəfail Qurban oğlu - tibb üzrə elmlər doktoru. Professor. Sumqayıt Tibb Kollecinin direktoru. 
16. Abuşov Firudin Abış oğlu - tibb üzrə elmlər doktoru. Professor. Masallı şəhər. Digah. Vəfat edib.

17. Həmidov İlham Məhərrəm oğlu - tibb elmləri doktoru, professor, Xırmandalı kəndi
18. Baxışov Əlimərdan Aşur oğlu (1958-ci il) - tibb üzrə elmlər doktoru, Azərbaycan Tibb Universiteti professor. Tüklə.
19. Əliyev Mehman Həbib oğlu - tibb üzrə elmlər doktoru. Azərbaycan Tibb Universiteti professor. Qəriblər. İsi
20. Ələkbərov Samit Fəyyaz oğlu. Tibb üzrə elmlər doktoru. Professor. Hazırda Moskva şəhərində 1 saylı Tibb Akademiyasının bazası olan 6 saylı Klinik Xəstəxanada 2-ci Cərrahiyyə şöbəsinin müdiri vəzifəsində çalışır. 

Qadın Alimlər

1. Əsədullayeva (Ağayeva) Firəngiz Hüseyn qızı - tibb üzrə fəlsəfə doktoru, Respublikanın əməkdar həkimi. Valideynləri Masallıdan olsa da Bakıda təhsil alıb. 
2. Məmmədli Sevinc Hacı Malik qızı - tibb üzrə fəlsəfə doktoru. Masallı şəhəri
3. Həşimova Rahilə - tibb üzrə fəlsəfə doktoru. Tibb Universitetinin dosenti. Qızılavar

4. Cəbiyeva Sara Əli qızı - tibb üzrə fəlsəfə doktoru. Böyük Xocavar
5. Əliyeva Nəzakət Naib qızı - tibb üzrə fəlsəfə doktoru. Hişkədərə
6. Qurbanova Zöhrə Yusif qızı - tibb üzrə fəlsəfə doktoru, dosent, DPU-nun sabiq rektoru Afaq Qurbanovun həyat yoldaşı). Qızılağac

7. Məhərrəmova Zəhra Zəkəriyyə qızı - tibb üzrə fəlsəfə doktoru. Qızılağac
8. Sadıqova Təranə Fərahim qızı - biologiya üzrə fəlsəfə doktoru. Reanimatoloq və anestezioloq. ATU-nu bitirib. Masallı şəhəri
9. İsmayılova Mehriban Vahab qızı - tibb üzrə fəlsəfə doktoru. Masallı Seybətin. 


Tibb üzrə Fəlsəfə doktorları

1. Qədiməliyev Fikrət Gülverdi oğlu - tibb üzrə fəlsəfə doktoru, Dövlət Gömrük Hospitalının rəisi işləyib, General-mayor. Banbaşı. 
2. Məmmədov Alim İslam oğlu – tibb üzrə fəlsəfə doktoru. Böyük Xocavar kəndi.
3. Məmmədov İlqar İslam oğlu – tibb üzrə fəlsəfə doktoru. Böyük Xocavar kəndi.

4. Zərbiyev Tarverdi Zərbi oğlu - tibb üzrə fəlsəfə doktoru, Masallı Vərəm Dispanserində baş həkim işləyib. Vəfat edib. Bədalan kəndi.
5. Mikayılov Ülfət Salman oğlu - tibb üzrə fəlsəfə doktoru, Respublika Patoloji-Anatomiya Birliyində ekspert. Bədalan kəndi.
6. Xəlilov İdris Eynəli oğlu - tibb üzrə fəlsəfə doktoru, "Oksigen" klinikasında həkim. Bədalan. 

7. Kərimov Müşfiq İsrafil oğlu - tibb üzrə fəlsəfə doktoru, Respublika Göz Xəstəlikləri İnstitutunda həkim. Bədalan. 
8. Məmmədov Namiq Ağahüseyn oğlu – tibb üzrə fəlsəfə doktoru. Bədalan.
9. Məcidov Zaur Əlifəttah oğlu - tibb üzrə fəlsəfə doktoru, Cəlilabad Müalicə-Diaqnostika mərkəzində həkim. Bədalan

10. Baxşəliyev Zahir Fərman oğlu – tibb üzrə fəlsəfə doktoru. Boradigah. Mollaoba.
11. Mahmudov Vüqar Nəsrulla oğlu - tibb üzrə fəlsəfə doktoru. Boradigah qəsəbəsi. Babaser kəndi.
12. Cəbiyev Zülfüqar Qədir oğlu - tibb üzrə fəlsəfə doktoru, vəfat edib. Ərkivan qəsəbəsi. Cəbili

13. Qurbanov Vaqif Oruc oğlu - tibb üzrə fəlsəfə doktoru. Masallı Mərkəzi Xəstəxanasında baş travmatoloq. Ərkivan qəsəbəsi. Abaslı.
14. Qənbərov Həsənağa Məmi oğlu - tibb üzrə fəlsəfə doktoru, Azərbaycan Dövlət Tibb Universitetinin müəllimi. Ərkivan qəsəbəsi. Miyondi məhəlləsi.
15. Əlinağıyev Cəbrayıl Fərman oğlu - tibb üzrə fəlsəfə doktoru. Güllütəpə. Yeni Zuvand 

16. Əlinağıyev Babək Cəbrayıl oğlu - tibb üzrə fəlsəfə doktoru. Güllütəpə. Yeni Zuvand.
17. Əlinağıyev Arif Fərman oğlu – tibb üzrə fəlsəfə doktoru. Güllütəpə. Yeni Zuvand.
18. Hüseynov Əlməmməd Həsənqulu oğlu - tibb üzrə fəlsəfə doktoru. Xıl 

19. Abdullayev Musa Mirməmməd oğlu - tibb üzrə fəlsəfə doktoru. Qızılağac kəndi.
20. Əliyev Yunis Məşhədi Yusif oğlu - tibb üzrə fəlsəfə doktoru. Qızılağac kəndi.
21. Məmmədov Üzeyir Ağaverdi oğlu - tibb üzrə fəlsəfə doktoru, Tibb Universiteti. Qızılağac kəndi.

22. Abdullayev Oqtay Musa oğlu - tibb üzrə fəlsəfə doktoru, Qızılağac kəndi.
23. Əliyev Rahib Əşrəf oğlu - tibbi biologiya üzrə fəlsəfə doktoru, ATU-nun professoru. Mahmudavar.
24. Nağıyev Rəsul Loğman oğlu - tibb üzrə fəlsəfə doktoru. Masallı şəhəri. Digah.

25. Qurbanov Zəfər Cəfər oğlu - tibb üzrə fəlsəfə doktoru, akademik M.Cavadzadə adına Respublika Uroloji Klinik xəstəxanasında ali dərəcəli uroloq-cərrah kimi fəaliyyət göstərir. Şərəfə.
26. Mirzəyev Tofiq Ağəddin oğlu - tibb üzrə fəlsəfə doktoru. Biləsuvar məhkəməsində Tibbi ekspertiza şöbəsinin rəisi. Qəriblər.
27. MİRKAZIM İSGƏNDƏR OĞLU ASLANLI (SARƏNG) - Tibb elmləri üzrə fəlsəfə doktoru, şair-bəstəkar. Qəriblər kəndi. İsi.

28. Əliyev Əlövsət Həbib oğlu - Tibb üzrə fəlsəfə doktoru. Astara Mərkəzi Xəstəxanasının baş həkimi
29. Tağıyev Sərxan Əbülfəz oğlu - əczaçılıq üzrə fəlsəfə doktoru, N.Nərimanov adına Azərbaycan Tibb Universitetində dərman preparatlarının hazırlanması texnologiyası kafedrasının dosenti. Təklə
30. Babayev Kəmaləddin Müzəffər oğlu - tibb elmləri üzrə fəlsəfə doktoru.

31. Əliyev Fikrət Xanhüseyn oğlu - tibb üzrə fəlsəfə doktoru. Təzəkənd
32. Rəfiyev Səxavət Feyzixan oğlu – tibb elmləri üzrə fəlsəfə doktoru, dosent, Öncəqala
33. Rəfiyev Fərid Səxavət oğlu - tibb elmləri üzrə fəlsəfə doktoru. Medera hospitalında şöbə müdiri. Öncəqala.