Masallıda “Xəmsə ” Milli İntellektual oyunu üzrə rayon birinciliyi
28 avqust 2018-ci il tarixdə Masallı şəhər Gənclər Mərkəzində rayon Gənclər və İdman İdarəsinin təşkilatçılığı ilə “Azərbaycan Xalq Cumhuriyyəti ili” nə həsr olunmuş gənclər arasında “Xəmsə ” Milli İntellektual oyunu üzrə rayon birinciliyi keçirilmişdir.
Tədbiri giriş sözü ilə Masallı rayon Gənclər və İdman idarəsinin rəis Camal Manafov açaraq bildirdi ki, daha yüksək intellektual səviyyəli gənclərin aşkara çıxarılması başlıca prioritetlərimizdəndir. Bu istiqamətdə gördüyümüz işlər günü-gündən təkmilləşərək inkişaf etməkdədir. “Xəmsə” milli intellektual oyunu üzrə rayon birinciliyinin keçirilməsi istedadlı və intellektual səviyyəli gənclərin öz potensiallarını, bilik və bacarıqlarının inkişaf etməsində əhəmiyyətli rol oynayacaqdır.
Maraqlı mübarizə şəraitdə keçən bilik yarışının sonunda I yeri gənclərdən ibarət “ Carpe Dien” komandası , II yeri “Rəsulzadə” komandası, III yeri isə “Genezis” komandası tutmuşdur.
Qalib komandalar Rayon Gənclər və İdman İdarəsi tərəfindən diplomlarla mükafatlandırılmışdır.
