Masallı Şahmat məktəbində Bayraq günü qeyd olundu
01-07 noyabr 2018-ci il tarixlərində Masallı rayon Gənclər və İdman İdarəsinin təşkilatçılığı ilə Masallı rayon Uşaq-Gənclər İdman Şahmat məktəbində “09 Noyabr Dövlət Bayrağı Günü” nə həsr olunmuş uşaqlar və yeniyetmələr arasında Şahmat idman növü üzrə Masallı rayon birinciliyi keçirilmişdir.
Yarışın açılış mərasimində Masallı rayon Gənclər və İdman İdarəsinin rəisi Camal Manafov çıxış edərək “9 Noyabr Dövlət Bayrağı Günü”münasibəti ilə idmançıları təbrik etmiş və Ulu öndər Heydər Əliyevin siyasi kursunun davamçısı Prezident cənab İlham Əliyevin idmana göstərdiyi diqqət və qyğıdan danışmış və idmançılara uğurlar arzuladı.
Tədbirdə Masallı rayon Gənclər və İdman İdarəsinin idman sahəsi üzrə baş məsləhətçisi Şaban Əliyev, Təhsil şöbəsinin metodkabinetin müdiri Bəybala Xəlilov, Uşaq Gənclər İdman Şahmat məktəbinin direktoru Əlifağa Yaqubov çıxış edərək idmançılara uğurlar arzulamışdır.
70 nəfərə yaxın idmançının iştrakı ilə keçirilən yarış olduqca gərgin və maraqlı mübarizə şəraitində keçirilmişdir.
Yarışda qalib gəlmiş bütün idmançılar Masallı rayon Gənclər və İdman İdarəsi tərəfinidən diplomlarla mükafatlandırılmışdır.
