Masallıda maarifləndirici seminar-müşavirə

26 aprel 2019-cu il tarixdə Masallı rayon Gənclər və İdman İdarəsinin, təşkilatçılığı, Rayon Təhsil şöbəsinin və Məşğulluq Mərkəzinin iştrakı ilə Gənclər Mərkəzində Azərbaycan Gənclərinin peşəyönümlü işinin gücləndirilməsi, onların əmək bazarında daha çox tələb olunan peşə və ixtisaslar haqqında məlumatlandırılması məqsədi ilə maarifləndirici seminar-müşavirə keçirilib.

Masallı rayon Gənclər və İdman idarəsinin rəisi Camal Manafov çıxış edərək bildirib ki, tədbir gənclər üçün peşə seçimində doğru yolla irəlləməkdə xüsusi əhəmiyyətə malikdir. İdarə rəisi qeyd etdi ki, peşəyönümü məsləhətləri gənclərin meyl və maraqlarını müəyyən etmək , habelə mövcud əmək bazarının vəziyyəti barədə onlarda təsəvvür yaratmaq məqsədi ilə həyata keçirilir.

Tədbirdə çıxış edən Rayon Təhsil şöbəsinin metodisti Gülağa Məmmədov ,Məşğulluq Mərkəzinin əməkdaşı İsrafil Səfərov gənclərin peşə seçməyə hazırlanmasında , onların maraq və meyillərinin müəyyənləşdirilməsində əmək bazarının təlabatını nəzərə almağın böyük əhəmiyyət daşıdığını qeyd etdilər.

Tədbirdə təlimçi Rafət Şirəliyev tərəfindən 30 yaxın gəncə peşə seçiminə aid təlim keçirildi, onları maraqlandıran müxtəlif istiqamətli suallar cavablandırıldı