Masallıda “Rəsm ” sərgi müsabiqəsi
Masallıda Böyük Azərbaycan şairi İmadəddin Nəsiminin 650 illik yubileyinə həsr olunmuş “Rəsm ” sərgi müsabiqəsi keçirilib
11 oktyabr 2019-cu il tarixlərdə Masallı rayon Gənclər və İdman İdarəsi təşkilatçılığı ilə Gənclər Mərkəzində 11 yanvar 2019-cu il tarixli Azərbaycan Respublikasında 2019-cu ilin “Nəsimi ili” elan edilməsi haqqında Azərbaycan Respublikası Prezidentinin sərəncamına əsasən gənclər arasında Böyük Azərbaycan şairi İmadəddin Nəsiminin 650 illik yubileyinə həsr olunmuş “Rəsm” sərgi müsabiqəsi keçirilib
Tədbirin mükafatlandırma mərasimində Masallı rayon Gənclər və İdman İdarəsinin rəisİ Camal Manafov çıxış edərək bildirdi ki, Azərbaycan xalqının çoxəsrlik ənənələrə malik bədii və fəlsəfi fikrində dərin iz qoymuş mütəfəkkir şairi İmadəddin Nəsiminin 650 illik yubileyi münasibəti ilə 2019-cu il ölkəmizdə “Nəsimi İli” elan olunmuşdur. Dahi şair Nəsimi irsinin təbliği, Masallı rayonunun gəncləri arasında incəsənətə marağın artırılması, rayonun mədəni həyatının tədbirlərlə zənginləşdirilməsi, gənclərin asudə vaxtının səmərəli təşkili, həmçinin vətənəpərvərlik və doğma yurda məhəbbət hissinin aşılanması, milli adət-ənənələrin təbliği, yeniyetmə və gənclərin estetik və bədii dünyagörüşünün formalaşdırılması, istedadlı gənclərin üzə çıxarılması məqsədi ilə “Nəsimi İli” çərçivəsində Masallı rayonunda yeniyetmə və gənclər arasında “Rəsm ” sərgi müsabiqəsi elan olunmuşdur.
Müsabiqəyə Masallı rayonundan 100-ə yaxın yeniyetmə və gənc qatılmışdır. Müsabiqədə İştirakçılar əsərlərində əsasən Böyük Azərbaycan şairi İmadəddin Nəsiminin obrazını, sənət nümunələrini, müxtəlif peşə sahiblərinin obrazlarını təsvir etmişdilər.
Müsabiqənin sonunda münsiflər heyəti tərəfindən qaliblər müəyyən edilib:
Belə ki, Əzimov Mətin Mehman oğlu birinci yerə, Kərimova Tutubikə Gülbala qızı ikinci yerə, Əliyeva Sevanə Elşən qızı üçüncü yerə layiq görülmüşlər. Fərqləndiyinə görə isə Cavadzadə Şamxal Qalib oğlu xüsusi diplomla mükafatlandırılıb
Müsabiqədə qalib gəlmiş gənclər Rayon Gənclər və İdman idarəsi tərəfindən diplomla təltif olunmuşlar
