Masallıda “Nə? Harda? Nə zaman?” İntellektual bilik yarışı

11 Aprel 2014-cü il tarixdə Rayon Gənclər Mərkəzində Masallı rayon Gənclər və İdman İdarəsinin təşkilatçılığı və Masallı rayon Təhsil şöbəsinin dəstəyi ilə 14-29 yaşlı gənclər və yeniyetmələr  arasında Ümummilli Lider Heydər Əliyevin 91-ci ildönümünə həsr olunmuş Nə? Harda? Nə Zaman?  intellektual bilik yarışı üzrə Rayon  turniri keçirilmişdir.

     Yeniyetmə və gənclərin intellektual səviyyəsini, dünyagörüşünü ,zehni inkişafını stimullaşdırmaq, onlar arasında bilik və elmi nüfuzunu artırmaq, eləcə də asudə  vaxtlarının səmərəli təşkil olunması məqsədi ilə keçirilən tədbiri Rayon Gənclər və İdman idarəsinin rəisi Camal Manafov açmış , “Azərbaycan gəncliyi 2011-2015-ci illərdə” Dövlət Proqramının icrasının müvafiq bəndləri üzrə qarşıda duran vəzifələr və ölkə Prezidenti cənab İlham Əliyevin gənclərə göstərdiyi diqqət və qayğıdan danışaraq iştirakçılara uğurlar arzulamışdır.

      Olduqca gərgin və maraqlı  keçən  bilik yarışında 30 məktəb komandasından  180 nəfərin  iştirak etdiyi oyunda I yerə Ə.Əhmədov adına Öncəqala kənd  tam orta məktəbin komandası,   II  yerə Bədəlan kənd tam orta məktəbin komandası,  III yerə isə Q.İsmayılov adına Şərəfə kənd tam orta məktəbin  komandası  layiq görülmüşdür. Xüsusi fəallığına  görə isə  3 saylı Ərkivan qəsəbə tam  orta məktəbin komandası diplomla təltif edilmişdir.

         Rayon  turnirində  qalib gəlmiş  bütün  komanda   üzvləri     Rayon  Gənclər və İdman idarəsi tərəfindən  diplom, medal və qiymətli hədiyyələrlə  mükafatlandırılmışlar.