Masallıdan Cənab Prezidentə minnətdarlıqlar davam edir
Səmrah Talıbovadan, Masallı, Azərbaycan
06 may 2020 president.az
Hörmətli cənab Prezident.
Dünyada yayılmış koronavirus pandemiyası ilə mübarizə şəraitində Sizin işçilərin işdən azad olunmaması, ixtisara salınmaması, əməkhaqlarının saxlanılması ilə məzuniyyətə göndərilmələri, işsizlərə 190 manat məbləğində vəsait ayrılması, kommunal ödənişlərə güzəştlərin nəzərdə tutulması və digər sosial müdafiə üzrə ciddi addımların atılması barədə qətiyyətli tapşırıqlarınız vətəndaşlara göstərdiyiniz diqqət və qayğınızın nümunələridir.
Bütün bunlara görə, cənab Prezident, Sizə təşəkkür edir, minnətdarlığımızı bildiririk. Siz xalqımızı böyük bəladan minimum itki ilə xilas edir və qoruyursunuz. Ulu Tanrı Sizi qorusun.
Hörmətlə,
Talıbova Səmrah Əliövsət qızı.
Azərbaycan Respublikası, Masallı rayonu
