Masallıdan Cənab Prezidentə minnətdarlıqlar davam edir

İlham Vəliyevdən, Masallı, Azərbaycan
08 may 2020  president.az

Möhtərəm cənab Prezident.
Bildiyimiz kimi bütün dünya amansız və qəddar düşmənlə - COVID-19 virusu ilə mübarizə aparır. Dünya qarşısıalınmaz bir pandemiyanın qurbanına çevrilməkdədir. Minlərlə qurban vermiş nəhəng Avropa dövlətləri gözəgörünməz düşmənin qarşısını almaqda aciz qalıb. Ölü sayı hər gün artmaqdadır. Lakin gördüklərimdən və müşahidələrimdən əminliklə deyə bilərəm ki, Sizin və Birinci vitse-prezident Mehriban xanım Əliyevanın sayəsində biz bu mübarizədən qalib çıxacağıq. Vaxtında atılmış addımlar, operativ şəkildə gördüyünüz işlər, qəbul etdiyiniz düzgün qərarlar xalqımızı bu vəziyyətdən az itkilərlə çıxarmağa zəmin yaradır.
Hörmətli cənab Prezident, təhlükəni hiss etdiyiniz andan etibarən xalqın yanındasınız. Yorulmaq bilmədən gərgin iş rejiminə keçmisiniz. Bir gənc olaraq sizdən örnək alıram. Sizin xalqımıza səylə xidmət etməyiniz mənim kimi çoxsaylı gəncləri ruhlandırır. Gördüyünüz sosial tədbirlər, əhaliyə göstərilən dəstək, verilən yardımlar, sosial müavinətlərin təyin olunması, qısa zamanda təhvil verilən xəstəxanalar, maska istehsalı müəssisəsi bir daha sübut edir ki, Siz həqiqətən də bu xalqa, bu millətə daim gərəksiniz. Bütün bu işlərə görə Sizə minnətdarlığımı bildirirəm.

Hörmətlə,
Vəliyev İlham İbad oğlu.
Azərbaycan Respublikası, Masallı rayonu.

_________________________________________________________

Müseyib Abiyev və başqalarından, Masallı, Azərbaycan
08 may 2020  president.az

Hörmətli cənab Prezident,
Xalqımızın tapşırıq və tövsiyələrinizə, koronavirusdan qorunmaq üçün mövcud şərtlərə riayət etməsi, Sizin təşəbbüsünüzlə dövlətimizin bizə göstərmiş olduğu maddi və mənəvi dəstək heç bir zaman unudulmayacaq. Ümid edirik ki, respublikamızın hər dilbər guşəsində pandemiyaya qalib gələcək, bütün xalqımızla o günü bayram edəcəyik.
Cənab Prezident, Sizin müdrik siyasətiniz, əməli fəaliyyətiniz, görülən qabaqlayıcı işlər bizim virus üzərində qələbəyə və bu xoş arzularımızın reallaşacağına inamımızı daha da artırmaqdadır.
Ölkəmizin qələbələrlə dolu və sağlam gələcəyi üçün gördüyünüz qətiyyətli və şərəfli işlərinizdə Sizə və Mehriban xanım Əliyevaya uğurlar arzulayırıq.

Musaküçə kəndinin sakinləri adından dərin hörmətlə,
Abiyev Müseyib Nazim oğlu
Nəbiyeva Sevinc Vəliəhəd qızı
Məmmədov Faiq Məmməd oğlu
Zərbəliyeva Şəfəq İsmayıl qızı
Quliyev İntizam Elşad oğlu
Ağamirzəyev Vüsal Zeydulla oğlu.
Azərbaycan Respublikası, Masallı rayonu, Musaküçə kəndi.