Masallıda onlayn qaydada keçirilən yarışların qalibləri mükafatlandırılıb
Masallı Rayon Gənclər və İdman İdarəsində xüsusi karantin rejimi günlərində onlayn qaydada keçirilən “Nə? Harada? Nə Zaman?”, “Breyn-rinq”, “Xəmsə” intellektual oyunlarının və “Foto Mən” müsabiqələrinin qalibləri mükafatlandırılıb.
“Nə? Harada? Nə Zaman?” intellektual oyunu üzrə rayon birinciliyinin qalibləri “Therion”, “Big-Bang” və “New Graduates” komandalarının üzvləri olublar.
Fərdi qaydada onlayn keçirilən “Breyn-rinq” intellektual oyunu üzrə qalib adını Şamxal Cəbiyev, Qadir İbrahimov və Murad Xəlilov qazanıblar. “Xəmsə” intellektual oyununun qalibləri isə Şamxal Cəbiyev, Toğrul Teymurlu və Nicat Baxşıyev olublar. “Foto Mən” müsabiqəsinin qalibləri adına Abı Bağırov, Səbinə Zahidova və Qulamhüseyn Kərimova layiq görülüblər.
Qaliblər rayon gənclər və idman idarəsinin diplomları, kubok və hədiyyələrlə mükafatlandırılıblar.
