Kərim Ramazan oğlu Ağayev “Dövlət qulluğunda fərqlənməyə görə” medalı ilə təltif olundu
Azərbaycan Respublikasının Prezidenti İlham Əliyevin 23 iyun 2020-ci il tarixli Sərəncamı ilə Masallı rayon İcra hakimiyyəti başçısının Tüklə kənd inzibati ərazi dairəsi üzrə nümayəndəsi Kərim Ramazan oğlu Ağayev “Dövlət qulluğunda fərqlənməyə görə” medalı ilə təltif olunmuşdur.
Kərim Ağayev 1 noyabr 1973-cü ildə Masallı rayonunun Tüklə ərazisinin Məmmədoba kəndində anadan olub.
1988-ci ildə Məmmədoba kənd səkkizillik, 1990-cı ildə Tüklə kənd orta məktəbini bitirib.
1992-1995-ci illərdə Azərbaycan Milli Ordu sıralarında xidmət edib. Bölmə komandiri kimi Ağdam, Ağdərə, Murovdağ, Kəlbəcər, Sərsəng Su Anbarı ətrafında gedən döyüşlərdə vuruşub.
1995-1998-ci illərdə Gəncə Pedaqoji Texnikumunu, 2008-2013-cü illərdə Azərbaycan Dövlət İqtisad Universitetinin maliyyə işi fakültəsini bitirmişdir.
1996-2013-cü illərdə Masallı rayon İcra hakimiyyəti başçısının Tüklə kənd inzibati ərazi dairəsi üzrə nümayəndənin müavini, 2013-cü ildən hal-hazıradək Masallı rayon İcra hakimiyyəti başçısının Tüklə kənd inzibati ərazi dairəsi üzrə nümayəndəsi vəzifəsində çalışır. 1999-cı ildən Yeni Azərbaycan Partiyasının üzvüdür.
Ailəlidir. 2 qızı, 1 oğlu var.
