MASALLIDA “QƏLƏBƏ GÜNÜ” QEYD EDİLDİ

09 may 2014-cü il tarixdə Masallı şəhər Qəhrəmanlar parkında faşizm üzərindən qələbənin 69 illiyi ilə əlaqədar tədbir keçirilmişdir.

Tədbir iştirakçıları əvvəlcə Ulu Öndər Heydər Əliyevin abidəsini ziyarət edərək dahi rəhbərə sonsuz ehtiramlarını bildirmişlər.

        Sonra tədbir iştirakçıları qəhrəmanlar parkında böyük vətən müharibəsində şəhid olanların xatirəsinə ucaldılmış abidəni ziyarət edərək qarşısına təzə tər gül dəstələri düzmüşlər.

Tədbir nahar süfrəsi arxasında davam etmişdir.

Tədbirdə Masallı Rayon İcra Hakimiyyətinin inforamsiya təminatı və təhlil sektorunun müdiri Seyfəddin Əliyev çıxış edərək veteranları bayram münasibətilə təbrik etmiş, II dünya müharibəsində bəşəriyyətin üzləşdiyi dəhşətli hadisələrin aradan qaldırılmasında 600 mindən çox soydaşımızın iştirakını xüsusi vurğulamışdır.

Natiq Ümummilli Lider Heydər Əliyevin veteranlara göstərdiyi diqqət və qayğıdan ətraflı bəhs edərək, bu siyasətin Prezident İlham Əliyev tərəfindən uğurla davam etdirildiyini bildirmişdir.

        Sonra çıxış edən veteranlar öz xatirələrindən söz açmış, göstərilən diqqət və qayğıya görə ölkə rəhbərliyinə minnətdarlıqlarını bildirmişlər.

        Tədbirin sonunda veteranlara maddi yardım göstərilmişdir.