Masallıda gənclər arasında onlayn qaydada şahmat yarışı

Masallıda gənc oğlan və qızlar arasında onlayn qaydada şahmat yarışı üzrə rayon birinciliyi keçirilmişdir.

20-21 iyul 2020-ci il tarixlərdə Masallı rayon Gənclər və İdman İdarəsinin və Uşaq Gənclər şahmat İdman məktəbinin birgə təşkilatçılığı ilə gənc oğlan və qızlar arasında onlayn qaydada “Masallı Gənclər Paytaxtı 2020” seçilməsi ilə əlaqədar olaraq şahmat yarışı üzrə açıq rayon birinciliyi keçirilmişdir.

Yarışın əsas məqsədi mövcud pandemiya dövründə gənclərin asudə vaxtlarının səmərəli təşkili və “Azərbaycan gəncliyi 2017-2021-ci illərdə” Dövlət proqramının müvafiq bəndlərinin, eləcədə “Masallı Gənclər Paytaxtı 2020” seçilməsi ilə əlaqədar olaraq təsdiq edilmiş tədbirlər Planının rayonumuzda icra olunması, həmçinin gənclər arasında dostluq əlaqələrinin möhkəmləndirilməsindən və şahmat idman növünə olan marağın artırılmasından ibarət olmuşdur.

Onlayn qaydada gənc oğlan və qızlar arasında keçirilən şahmat yarışında:

Oğlanlar arasında: Bəşirov Mircavad Mirtəbib oğlu birinci yerə, Talıbzadə Mirseyidəli Araz oğlu ikinci yerə , Dadaşov Dadaş İbrahim oğlu üçüncü yerə layiq görülmüşlər.

Qızlar arasında: Ağacanova Lalə Rauf qızı birinci yerə, Quliyeva Zeynəb Ruhil qızı ikinci yerə, Sadıqzadə Səma Kənan qızı üçüncü yerə layiq görülmüşlər.

Yarışda qalib gəlmiş idmançılar Masallı rayon Gənclər və İdman İdarəsi tərəfindən xüsusi karantin rejimi başa çatdıqdan sonara diplomlarla mükafatlandırılacaq.