Masallıda RİH başçısı tərəfindən vətəndaşların növbəti videoqəbulu

23 iyul 2020-ci il tarixdə Masallı Rayon İcra Hakimiyyətinin başçısı Şahin Məmmədov vətəndaşlarla növbəti onlayn qəbulunu keçirib.
Virtual qəbul zamanı Miyankü (Nəzəroba) kənd sakini, II qrup Qarabağ müharibəsi əlili Fuad Tahirov odun yanacağı ilə təmin olunması, Hişkədərə kənd sakini Şəfa Həsənova təmir zamanı öz vəsaitləri hesabına alınan köhnə qaz borularının onlara verilməməsi, Masallı şəhər sakini, onkoloji xəstə Elçin Tahirov maddi yardım və əlillik dərəcəsinin verilməsi, Ərkivan qəsəbə sakinləri Elçin Mirzəyev, Xəlil Xəlilov, Rəşad Mirzəyev qanunsuz olaraq örüş otlaq sahəsinin icarəyə verilməsi, Qəriblər (İsi) kənd sakini Əlisəfa Cəbiyev evinə basqın edilərək ona xəsarət yetirilməsi, Köhnə Alvadı kənd sakini Rübabə Abıyeva təbii fəlakət nəticəsində evinin qəzalı olması, Təzə Alvadı kənd sakini, I qrup Qarabağ müharibəsi əlili  Mahir Mahmudov onunçün tikilən evinin təmiri, su-qaz xəttinin çəkilməsi və s. ilə bağlı müraciətləri dinlənilib.
Vətəndaşların müraciətlərini dinləyən rayon rəhbəri onların problemlərinin aidiyyatı təşkilatlar üzrə qeydiyyata alınması və icra hakimiyyətinin səlahiyyətləri çərçivəsində həll edilməsi üçün müvafiq göstərişlər verib, səslənən bütün müraciətlərin nəzarətə götürüldüyünü diqqətə çatdırıb.