Yay şumu sürətlənir
Yay şumunun vaxtında və keyyfiyyətli vurulması ziyanvericilərin və süfrələrinin məhv olmasına, torpağın münbitliyinin artırılmasına və növbəti illərdə məhsuldarlığın yüksəldilməsinə müsbət təsir göstərir.
Bu barədə fermerlərlə aparılmış marifləndirici tədbirlər öz nəticəsini verir.
Yay şumunun məhsuldarlıqda mühüm əhəmiyyətini nəzərə alan fermerlər və fiziki şəxslər bütün qüvvələrini bu mühüm aqrotexniki tədbirin vaxtında və keyfiyyətlə aparılmasına səfərbər ediblər. Masallı Rayon Statistika İdarəsindən «Yeni həyat» qəzetinə verilən məlumata görə mexanizatorlar indiyə kimi 1300 hektar sahədə yay şumu qaldırılıb. Onlar daha 10 min hektara yaxın sahədə yay şumu vuracaqdır.
Rayonun bütün ərazilərində bu işlər mütəşəkkil aparılır.
Hazırda Masallı rayonunda torpaq sahələrinin şumlanması sürətlə davam etdirilir.
