Masallıda “Gənclərin gələcək seçimləri" adlı onlayn konfrans
12 avqust 2020-ci il tarixdə Gənclərin İnkişaf və Karyera Mərkəzi Masallı nümayəndəliyinin təşkilatçılığı, Masallı Gənclər evi sosial xidmət müəssisəsi, Masallı şəhər Heydər Əliyev Mərkəzi, YAP Masallı rayon təşkilatı Gənclər Birliyinin iştirakı ilə 12 avqust "Beynəlxalq Gənclər Gününə" həsr olunmuş "Gənclərin gələcək seçimləri" adlı onlayn konfrans keçirilmişdir.
Konfransda Gənclərin İnkişaf və Karyera Mərkəzi Masallı nümayəndəliyinin direktoru Vafiq Xəlilov, Masallı şəhər Heydər Əliyev Mərkəzinin direktoru Dilbər İbayeva, Masallı Gənclər evi sosial xidmət müəssisəsinin direktoru Fuad Mənsimov, YAP Masallı rayon təşkilatı Gənclər Birliyinin sədri Bəxtim Qarayev və YAP Masallı rayon təşkilatı Gənclər Birliyinin sədr müavini Ülvi Rufullayev öz çıxışları ilə rayon gənclərini təbrik etmiş və ölkəmizdə əsası Ulu Öndər Heydər Əliyev tərəfindən qoyulmuş gənclər siyasətinin bu gün uğurla davam etdirilməsindən danışmışlar.
Çıxışçılar 12 avqust "Beynəlxalq Gənclər Günü" münasibətilə bütün Azərbaycan gəncliyini təbrik etmiş və fəaliyyətlərində uğurlar arzulamışlar.
