Masallıda III Beynəlxalq Folklor Festivalı
12-16 iyun 2014-cü il tarixlərdə Masallı şəhərində Ulu öndər Heydər Əliyevin 91 illik yubileyinə həsr olunmuş III Beynəlxalq Folklor Festivalı keçiriləcəkdir.
Rayonda keçirilən festivallarda Azərbaycanla yanaşı, Türkiyə, Gürcüstan, İran, Qazaxıstan, Litva, Latviya və Rusiya-Dağıstan ölkələrinin folklor qrupları iştirak edəcək.
13 iyun tarixində rayon İcra hakimiyyəti qarşısındakı meydanda açılış mərasimi olacaqdır. Açılışın sonunda rayon İcra hakimiyyətinin qarşısındakı meydandan Nizami Gəncəvi adına parka parad yürüşü təşkil ediləcək, parkda tədbir iştirakçıları xalq sənətkarlığı və milli mətbəx sərgisi ilə tanış olacaqlar. Axşam saat 20:00-da Heydər Əliyev parkındakında III Beynəlxalq Folklor festivalın açılış konsert proqramı təşkil olunacaq.
14 iyun tarixində saat 12:00-da Masallı rayonunun Qızılağac və Tüklə kəndlərində folklor qruplarının çıxışları olacaq. Axşam 20:00-da Folklor Festivalının iştirakçıları üçün ziyafət təşkil olunacaq.
15 iyun saat 20:00-da Heydər Əliyev parkında Ulu öndər Heydər Əliyevin 91 illik yubileyinə həsr olunmuş III Beynəlxalq Folklor Festivalı yekun konserti təşkil olunacaq.
