Masallıda Dövlət İmtahan Mərkəzi ali məktəblərə növbəti qəbul imtahanı keçirdi
21 avqust 2020-ci il tarixdə Masallı rayonu “Dəfinə” məktəb liseyi, şəhər 3 saylı və 4 saylı S.Tağıyev adına tam orta məktəblərində Dövlət İmtahan Mərkəzi tərəfindən I və IV qruplar üzrə ali məktəblərə qəbul imtahanı keçirilmişdir. İmtahanda Masallı və Yardımlı rayonları üzrə ümumilikdə nəzərdə tutulan 610 nəfər abituriyentdən 586 nəfəri imtahanda iştirak etmiş 24 nəfəri isə naməlum səbəblərdən iştirak etməmişdir.
Metodiki göstərişləri nəzərə alaraq imtahan keçirilən binaların sanitar qovşaqlarında axar suyun fasiləsizliyinin təmin olunması və binaların dezinfeksiyası, həmçinin şagirdlərin və nəzarətçi müəllimlərin binalara təhlükəsiz çatdırılması, imtahan zamanı binanın qarşısında toplaşan insanlar arasında sosial məsafənin təmin olunması, binaların ətrafında ictimai asayışın qorunması, o cümlədən təcili tibbi yardım və yanğından mühafizə birqadasının olması kimi məsələlər günün tələblərinə uyğun olaraq təşkil olunmuşdur.
