Masallı RİH başçısı növbəti virtual qəbulunu keçirib

03 sentyabr 2020-ci il tarixdə Masallı Rayon İcra Hakimiyyətinin başçısı Şahin Məmmədov vətəndaşların növbəti onlayn qəbulunu keçirib.

Virtual qəbul zamanı Təklə kənd (Xoşçobanlı) sakini Nəzakət Məhərrəm qızı Əliyeva aliment ala bilməməsi, Kolatan kənd sakini Nizam Murtuza oğlu Şiriyev kənddə kanalların doldurulması, Xırmandalı kənd sakini Zinyət İmran qızı Qənbərova nəvəsinin uşaqlarının əlindən alınması, Banbaşı kənd sakini Adış Elbəyi oğlu Əlicanov iki nəvəsinin əlillik dərəcəsi alması, Sığdaş kənd sakini Telman Güləxan oğlu Rəhimov ÜSY və maddi yardımla əlaqədar, Sığdaş kənd (Xanalion) sakini  Mail Əzim oğlu Məcidov və Hamlet Xanlar oğlu Nəsirov kənddə  torpaq mübahisəsi, Masallı şəhər sakinləri Hilal Elşad oğlu Yusifov və  Namiq Höccət oğlu Əsədov torpaqla təmin olunma məsələsi, Masallı şəhər sakini Zahid Nadir oğlu Həsənov işlə təmin olunması və s. ilə bağlı müraciətləri dinlənilib.
Rayon icra hakimiyyətinin başçısı Şahin Məmmədov vətəndaş müraciətlərinin həlli istiqamətində aidiyyatı qurumlara tapşırıqlar verərək videobağlantı zamanı səslənən müraciət və təkliflərin heç birinin diqqətdən kənarda qalmayacağını, onların ətraflı öyrənilib, həll olunmasından ötrü müvafiq tədbirlər görüləcəyini diqqətə çatdırıb.