Xüsusi mülkiyyətçilər və fermerlərlə görüş

14 iyul tarixində Masallı rayon Təzə Alvadı kəndi ərazisində Azərbaycan  Respublikası  Prezidenti  Administrasiyasının məsul   işçisi   Vəfadar  Bağırov xüsusi mülkiyyətçilər və fermerlərlə görüşmüşdür.
İlk öncə tədbir iştirakçıları yaxınlıqdakı  çiyələk  plantasiyasına  baxış keçirmişlər.  Sonra tədbir ərazidə yerləşən “REXO” yeməkxanasının həyətində davam etdirilmişdir. Tədbiri  giriş  sözü  ilə  açan  rayon İcra hakimiyyətinin başçısı Rafil  Hüseynov Masallı rayonunun aqrar rayon olduğunu vurğulayaraq 25 min əkinə yararlı torpaq sahəsindən 11354 ha taxıl, 2547  ha tərəvəz, 1460 ha kartof, 519 ha bostan və 626,5 ha sair əkinlərin təşkil etməsini vurğulayaraq toplantı  iştirakçılarını məlumatlandırmış və tədbir iştirakçılarını öz təkliflərini  verməyə çağırmışdır. 
Tədbirdə iştirak edən xüsusi mülkiyyətçi və fermerlərdən Etibar Sadıqov,   Vəli  Muxtarov,  Əzizağa  Lətifov,  Aslan  Cəfərov,  Hüseynağa  Məmmədov  və  başqaları çıxış  edərək  aqrar rayon olan Masallı rayonunun kənd təsərrüfatına göztərilən yüksək diqqət və qayğıya görə ölkə başçısı İlham Əliyev cənablarına   minnətdarlıqlarını bildirmişlər. 
Tədbirin sonunda bütün fikirləri dinləyən Azərbaycan  Respublikası  Prezidenti  Administrasiyasının məsul işçisi  Vəfadar Bağırov çıxış edərək Azərbaycan Respublikasının Prezidenti İlham Əliyev cənablarının kənd təsərrüfatı sahəsinə xüsusi diqqətinin olmasını və bu səbəbdən də ölkə başçısının tapşırığına əsasən regionlarda əkin sahələri ilə tanış olmasını tədbir iştirakçılarının nəzərinə çatdırmışdır.
Görüşdə səsləndirilən təklifləri aidiyatı təşkilatlara çatdırılmasını və nəzarətdə saxlanılacağını tədbir iştirakçılarının nəzərinə çatdırdı.