Masallıda “Könüllülər Kuboku”nun basketbol yarışı
“Könüllülər Kuboku”nun Masallı rayonu üzrə basketbol yarışı keçirilib
10-11 sentyabr 2020-ci il tarixlərdə Azərbaycan Respublikası Gənclər və İdman Nazirliyi və “Azərbaycan İdman Könüllüləri” İctimai Birliyi tərəfindən təsdiq edilmiş əsasnaməyə uyğun olaraq, Masallı rayon Gənclər və İdman İdarəsinin təşkilatçılığı ilə Masallı rayon F.Şükürov adına Lürən kənd tam orta məktəbin idman meydançasında “Covid-19” pandemiyasına qarşı əsas müdafiə tədbirlərinə əməl etmək şərtilə Masallı rayonu üzrə 16-29 yaşlı gənclər arasında basketbol idman növü üzrə yarış keçirildi.
Yarışın yekun nəticəsinə əsasən “Lürən” komandası I, “QRANT” komandası II, “Masallı” komandası III yerə layiq görülmüşlər.
Yarışda qalib gəlmiş idmançılar Masallı rayon Gənclər və İdman İdarəsi tərəfindən "Könüllülər Kuboku"nun diplomları ilə təltif olundular.
