Qarğalıq ərazisində arpa, buğda və vələmir əkini
Qarğalıq kəndində 554 hektar sahədə arpa, buğda və vələmir əkilmişdir
Qarğalıq kəndi ərazisinin fermerləri gələn ilin məhsulu üçün 1530 hektar sahədə əkin əkməyi proqnozlaşdırıb. Masallı Dövlət Aqrar İnkişaf Mərkəzindən verilən məlumata görə 26 oktyabr 2020-ci il tarixə kimi ərazidə 769 hektardan çox sahədə yay şumu vurulmuşdur. Şumu vurulmuş torpaqlarda kənd fermerləri 319 hektar sahədə buğda, 186 hektar sahədə və 49 hektar sahədə vələmir əkmişlər.
Qarğalıq kəndi ərazisində yay şumu və taxıl əkinləri davam edir.
Mexanizatorlar bundan sonra da daha 761 hektar sahədə kənd təsərrüfatı sahəsində ən məsul dövr olan bu aqrotexniki tədbirləri davam etdirəcəklər.
Qeyd edək ki, Azərbaycan Silahlı Qüvvələrinin torpaqlarımızın erməni işğalından azad edilməsi üçün apardığı uğurlu döyüşlər, bununla əlaqədar elan edilən hərbi vəziyyət şəraitində Masallı rayonunda kənd təsərrüfatı işlərinin ahəngdar gedişinin təmin olunması istiqamətində bütün zəruri tədbirlər həyata keçirilir.
