XIRMANDALIDA TAXIL ƏKİNİ SÜRƏTLƏNİR

Xırmandalı kəndi ərazisində yay şumu uğurla davam edir. Masallı DAİM-dən aldığımız son məlumatlara görə ərazidə 205 hektar sahədə taxıl əkilmişdir

Masallı Dövlət Aqrar İnkişaf Mərkəzinin mütəxəssisi Fərasət Mikayılovdan aldığımız məlumata görə  Xırmandalı kəndi ərazisində növbəti ilin kənd təsərrüfatı əkinləri üçün yay şumu uğurla davam edir. Belə ki, ərazidə proqnozlaşdırılan 1100 hektar sahədən 610 hektar sahə şumlanmış, kənd mexanizatorları havaların əlverişli keçməsindən istifadə edərək ən mühüm təsərrüfat işinin vaxtında başa çatdırılmasında hünərlə çalışırlar.

Muğan elində, Xırmandalı kəndində payızlıq taxıl əkinləri də müvəffəqqiyyətlə davam edir. Belə ki, kəndli fermerlər indiyədək 55 hektarda buğda, 80 hektarda arpa və 70 hektar sahədə vələmir əkinini başa çatdırmışlar. Ümmumiyyətlə, Xırmandalı kəndi ərazisində 205 hektar sahədə əkin keçirilmişdir.

Qeyd edək ki, daha 490 hektar sahədə şumun vurulub qurtarması üçün vaxtdan səmərəli istifadə edir, mexanizatorlar çöllərdə gecə və gündüz işləyirlər. Təcrübəli təsərrüfatçılar yaxşı bilirlər ki, havanı bilmək olmur. Yağışlar başlasa iş dayana bilər. Payızın xoş havalarının bir günü yağışlı-yağmurlu günün on gününə bərabərdir.