Masallıda 1999-2002-ci il təvəllüdlü oğlanlar arasında Otüstü Hokkey İdman növü üzrə açıq Rayon birinciliyi keçirilmişdir
13-19 Noyabr 2014-cü il tarixlərdə Masallı Olimpiya Kompleksində Masallı rayon Gənclər və İdman İdarəsinin təşkilatçılığı ilə 1999-2002-ci il təvəllüdlü oğlanlar arasında Otüstü hokkey idman növü üzrə “17 Noyabr Milli Dirçəliş Günü”nə həsr olunmuş açıq Rayon birinciliyi keçirilmişdir.
1999-2002-ci il təvəllüdlü oğlanlar arasında keçirilən birincilikdə səkkiz Rayon komandası öz qüvvələrini sınamışlar. Olduqca gərgin mübarizə şaraitində keçirilən yarışda bütün rəqiblərinə qalib gələn Sumqayıt şəhərinin Gənclik komandası I yerə və eyniadlı Şəhərin UGİM-2 komandası II yerə layiq görülmüşlər. Masallı rayon komandası isə bu yarışda III yerlə kifayətlənməli olub.
Qalib gəlmiş komandalar Masallı rayon Gənclər və İdman İdarəsi tərəfindən Diplom, medal və qiymətli hədiyyələrlə mükafatlandırılmışdır.
