Masallıda Yeniyetmələr arasında “Xəmsə ” Milli İntellektual Oyunu üzrə Zona yarışı keçirilmişdir

19 Noyabr  2014-cü il tarixdə Masallı rayon Gənclər və İdman İdarəsinin təşkilatçılığı və Azərbaycan Respublikası Gənclər və İdman Nazirliyinin dəstəyi ilə  Masallı rayon Mədəniyyət evində yeniyetmələr arasında “Xəmsə”- Milli İntellektual Oyunu üzrə  IV  Azərbayca Çempionatının zona mərhələsi keçirilmişdir.
Yeniyetmə və gənclərin intellektual səviyyəsinin, dünyagörüşünü ,zehni inkişafını stimullaşdırmaq,onlar arasında bilik və elmi nüfuzunu artırmaq,eləcə də asudə  vaxtlarının səmərəli təşkil olunması məqsədi ilə keçirilən tədbiri Rayon Gənclər və İdman idarəsinin rəisi Camal Manafov açmış , “Azərbaycan gəncliyi 2011-2015-ci illərdə” Dövlət Proqramının icrasının müvafiq bəndləri üzrə qarşıda duran vəzifələr və ölkə Prezidenti cənab İlham Əliyevin gənclərə göstərdiyi diqqət və qayğıdan danışaraq iştirakçılara uğurlar diləmişdir.
Olduqca gərgin mübarizə şəraitində  keçən  bilik yarışında Astara rayonunun “Gələcəyin ümidləri” , Lənkəran şəhərinin “Anti tərs”  və  “Dejavu, Masallı rayonunun “ Big bang” və “Viləş”, Lerik rayonunun “Uğur”  , Yardımlı rayonunun “Lider” , Cəlilabad rayonunun “ Qavqamela-331”komandalarının  iştirak etdiyi oyunda , bütün oyunları qalibiyyətlə başa vuran  Lənkəran şəhərinin “Anti tərs”   komandası 7201 xalla I yerə, Masallı rayonunun “ Big bang”  komandası 6198 xalla isə II yerə layiq görülərək Qusar  rayonunda  keçiriləcək Azərbaycan Çempionatına vəsiqə qazanmışlar.