Masallı RİH başçısı Miyankü ərazisində abalıq işləri ilə tanış oldu
02 dekabr 2020-ci il tarixdə Masallı Rayon İcra Hakimiyyətinin başçısı Şahin Məmmədov Miyankü kəndi ərazisinin girəcəyində yeni hazırlanmış guşə ilə tanış olub.
Masallı rayon Mərkəzi Rayon Xəstəxanası publik hüquqi şəxsin direktoru Cəlil Nəzərov Miyankü kəndinin girəcəyində yaradlan işlər barədə rayon rəhbərinə məlumat verib.
Bildirib ki, yerli ornomentlərə uyğun hazırlanan ərazisində giriş hissəsi və burada yaradılan kiçik guşə bu günlərdə, Müzəffər Ali Baş Komandan, cənab İlham Əliyevin rəhbərliyi altında Milli Ordumuzun Böyük Qələbəsi şərəfinə istifadəyə verilib. Burada ucaldılan Azərbaycan Bayrağı gecə işıqları zamanı da füsunkar və qürurverici görünür.
Görülən işləri xoş təəssüratla qarşılayan rayn icra hakimiyyətinin başçısı Şahin Məmmədov bildirib ki, belə işi Vətənini sevən, əsl vətəndaş görə bilər. Onlar xarüqələr yaradırlar. Mən həmin insanlara təşəkkür edirəm.
