Masallı və Laçın məktəbliləri arasında onlayn tədbir
18 dekabr 2020-ci il tarixdə Laçın rayon Taxtakörpü qəsəbə tam orta məktəbi ilə Masallı rayon Qəzvinoba kənd ümumi orta məktəbi arasında "Laçın Azərbaycandır!" mövzusunda məktəblərarası birgə virtual onlayn tədbir keçirilib.
Tədbirdə əvvəlcə Vətən müharibəsində həlak olmuş şəhidlərimizin əziz xatirəsi bir dəqiqəlik sükutla yad edilib.
Qarabağ müharibəsində qazandıqları Qələbəni xalqımıza bəxş etdiklərinə görə Müzəffər Ali Baş Komandan, Azərbaycan Prezidenti cənab İlham Əliyevə və rəşadətli ordumuza təşəkkürlərini bildiriblər.
Şagirdlər Laçına həsr olunmuş şeirlər söyləyiblər.
Qeyd edək ki, belə tədbirlərin təşkil edilməsi ölkəmizdə şagirdlər arasında hərbi vətənpərvərlik tərbiyyəsinin daha da yüksəlməsinə, güclü həmrəylik və dostluq əlaqəlrinin yaradılmasına böyük önəm verir.
Masallı Rayon Təhsıl Şöbəsi tədbiri təşkil etdikləri üçün hər iki məktəb rəhbərlərinə təşəkkür etmiş və belə təşəbbüslərin davamlı olmağını arzulamışdır.
