Masallıda Gənclər günü qeyd edilmişdir.
31 yanvar 2015-ci il tarixdə Masallı rayon Gənclər və İdman İdarəsinin təşkilatçılığı ilə Masallı rayon Mədəniyyət evində “2 fevral – Azərbaycan Gəncləri günü” münasibəti ilə tədbir keçirilmişdir . Əvvəlcə bir qurup gənc tərəfindən Ümummilli Lider Heydər Əliyevin abidəsinin qarşısına gül dəstəsi qoyuldu.
Tədbiri giriş sözü ilə açan Masallı rayon Gənclər və İdman idarəsinin rəisi Camal Manafov məruzə edərək əvvəlcə “02 fevral – Gənclər günü” münasibət ilə bütün gəncləri ürəkdən salamlayaraq, gəncliyin hər bir nümayəndəsinə cansağlığı, xoşbəxtlik və doğma Azərbaycanın gələcəyi naminə fəaliyyətində yeni nailiyyətlər arzulamışdır. Sonra 2014-cü il ərzində “Gənclər siyasəti haqqında” Azərbaycan Respublikası qanununun müvafiq bəndləri,” Azərbaycan gəncliyi 2011-2015-ci illər ” Dövlət Proqramından və Azərbaycan gəncliyinə göstərilən diqqət və qayğının davamı olaraq Ölkə başçısı tərəfindən 2015-ci il 26 yanvar tarixli Sərəncamı ilə təsdiq edilmiş “2015-2025-ci illərdə Azərbaycan Gənclərinin İnkişaf Strategiyası”ndan danışaraq, Azərbaycanda gənc nəslin problemlərinin kompleks həlli onların cəmiyyət həyatında layiqli təbəqə kimi iştirakı üçün dövlət səviyyəsində bütün lazımi işlərin görüldüyü diqqətə çatdırdı. Sonra Ölkə başçımızın gənclərə göstərilən gənc nəslin vətənpərvərlik ruhunda tərbiyəsi, tarixi – mədəni irsimizin, dilimizin qorunması, milli mənəvi dəyərlərimizə sahib çıxması, istedadlı gənclərin üzə çıxarılması,gənclərin asudə vaxtlarının səmərəli təşkil olunması, gənc ailələrin sosial reabilitasiyası, sağlam həyat tərzinin təbliği,milli ruhda təhsil və tərbiyəsi”,onların yaradıcılıq axtarışlarının stimullaşdırılması və s. kimi mühüm əhəmiyyətli sahələrdən danışaraq bildirmişdir ki, Gənclərə qayğı təkcə ölkə rəhbərliyi səviyyəsində deyil eyni zamanda Rayonumuzun rəhbəri cənab Rafil Hüseynov tərəfindən də diqqət mərkəzində saxlanılır. Son zamanlar Masallımızda gedən inkişaf, aparılan abadlıq və quruculuq işləri gənclərimizin daha da yüksək nailiyyətlər qazanmağına stimul yaradır.
Tədbirdə Rayon İcra Hakimiyyətinin başçısı Rafil Hüseynov ilk öncə Müstəqil Azərbaycan gənclərini bayram günü münasibətilə təbrik etmiş, onlara xoşbəxt gənclik, sağlamlıq və uğurlu gələcək arzulamışdır.
İcra başçısı vurğulamışdır ki, Bu günü ölkəmizin hər yerində Azərbaycan gəncləri öz bayramlarını böyük uğurlarla qeyd edirlər.Ölkəmizdə gənclər siyasətinin əsasını ümummilli lider Heydər Əliyev tərəfindən qoyulduğunu bildirdi . Ulu öndər gənclərin imkan və bacarıqlarını yüksək qiymətləndirir, onların problemlərinin həlli istiqamətində həyata keçirilən tədbirlərə xüsusi önəm verirdi, bu siyasəti müstəqil Azərbaycan dövlətinin fəaliyyətinin ən mühüm istiqamətlərindən biri kimi dəyərləndirən Ümummilli lider Heydər Əliyev Gənclər və İdman Nazirliyinin yaradılması, müstəqil Azərbaycan gənclərinin ilk ümumrespublika forumunun keçirilməsi, 2 fevralın Azərbaycan gəncləri günü elan edilməsi, "Dövlət gənclər siyasəti haqqında" fərman və geniş fəaliyyət proqramının təsdiq edilməsi gənclərə böyük qayğısını bariz nümunəsi idi. Bu, gənclərin respublikanın ictimai-siyasi həyatında daha fəal iştirakına şərait yaradır, habelə dövlət orqanlarının diqqətini gəncliyin problemlərinin həllinə yönəldirdi. Beləliklə, Azərbaycanda gəncliyə dövlət qayğısı sabaha və uğurlara hesablanan bir siyasətdir, bu siyasət sağlam və intellektual nəslin formalaşmasına xidmət edir. Bütün bunlar isə Azərbaycan gəncliyinin sabahına daha böyük inamla baxmağa əsas verir.
Sonra tədbirdə Masallı rayon Təhsil şöbəsinin metodisti Qardaş Fətullayev, Yeni Azərbaycan Partiyasının Masallı rayon təşkilatının məsul işçisi, V.Abbasov adına Alışanlı kənd ümumi orta məktəbinin tarix müəlliməsi Sabirli Samirə çıxış edərək Gəncləri 2-Fevral gənclər günü münüsibəti ilə təbrik etmişlər
Daha sonra tədbirdə Masallı rayon Yeni Azərbaycan Partiyasının Masallı rayon təşkilatının sədri Seyfəddin Əliyev çıxış edərək gəncləri təbrik etmişdir.Sonra bir qrup gənclərə Yeni Azərbaycan Partiyasının biletləri, fəxri fərman və hədiyyələrlə mükafatlandırılmışdır.
.
Tədbirdə Rayon İncəsənət ustaları geniş konsert proqramı ilə gəncləri salamlamışdı.
Tədbirdə bir qrup fəal gənc Rayon Gənclər və İdman idarəsinin fəxri fərmanları və qiymətli hədiyyələri ilə mükafatlandırıldı.
Sonda tədbir iştirakçıları şirniyyat süfrəsinə dəvət edilmişdir.
