Şəhid əsgər Musa Mustafayev

Musa Əlövsət oğlu Mustafayev 23 mart 2001-ci ildə Masallı rayonunun Xoşçobanlı kəndində anadan olmuşdur.
2007 ci ildə M.Qarayev adına Sığıncaq kənd orta məktəbinin birinci sinfinə daxil oilmuş, 2016-cı ilədək bu məktəbdə doqquzuncu sinfə qədər təhsil almışdır. Elə həmin il Cəlilabad rayonundakı Göytəpə qəsəbəsində yerləşən texniki litseyə qəbul olunmuş, 2019-cu ildə isə həmin litseydə geniş profilli traktorçu-maşinist, çilingər-sürücü ixrtisasına yiyələnmişdir.

Daha sonra Musa Mustafayev 2019 — cu ildə Azərbaycan Silahlı Qüvvələrinin Cəlilabad şəhərində yerləşən "N" saylı hərbi hissəsində, sərhəd zastavasında müddətli həqiqi hərbi xidmətə başlamışdır. Bu ilin yanvar ayında Ordudan evə tərxis olunmallcaqdı. Amma...
Azərbaycan Ordusunun əsgəri,  ailənin tək oğlu olan Musa 2020-ci il sentyabrın 27-də məqsədinə nail olaraq Azərbaycan Silahlı Qüvvələri tərəfindən Ermənistan işğalı altında olan ərazilərimizin azad edilməsi üçün başlanan Vətən müharibəsi zamanı, II Qarabağ döyüşlərində, Füzulinin azadlığı uğrunda gedən vuruşmalarda böyük şücaət göstərmiş, düşmənin bir sıra mövqelərinə sarsıdıcı zərbələr endirmişdir.
Cəsur əsgər  oktyabrın 6-da Füzuli döyüşləri zamanı torpaqlarımızın ərazi bütövlüyü uğrunda qəhrəmancasına şəhid olub.
Şəhid Musa Əlövsət oğlu Mustafayev Xoşçobanlı kənd qəbiristanlığında, boy atdığı torpaqda, 7 oktyabr 2020-ci il tarixdə dəfn olunub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti cənab İlham Əliyevin Sərəncamına əsasən Musa Mustafayev ölümündən sonra "Vətən uğrunda" və «Cəsur döyüşçü» medalları ilə təltif edildi.