YAP Masallı RT Qadınlar Şurasının şəhid ailələri və qazilərə diqqəti
Yeni Azərbaycan Partiyası Masallı rayon təşkilatı Qadınlar Şurasının üzvləri şəhid ailələri və qazilərə baş çəkmişlər.
Yeni Azərbaycan Partiyası Masallı rayon təşkilatı Qadınlar Şurasının sədri Gülşən Xəlilovanın rəhbərliyi ilə Şura üzvləri Vətən Müharibəsi Şəhidləri Viləş kəndində gizir Əsgərli İntiqam Bayram oğlu, əsgər Vəliyev Balaqardaş Fərhad oğlu, Təzə Alvadı kəndindən əsgər Səlimov Sənan Nasif oğlu, Öncəqala kəndində əsgər Məlikov Nurlan Dünyamalı oğlu, Tatyanoba əsgər Lətifov Rəşid Güləhməd oğlu və Masallı şəhərində əsgər Sultanzadə Niyaməddin Hüsaməddin oğlunun ailəsinə baş çəkmişlər, ailə üzvləri şəhidlərin xatirələrini bölüşmüşlər. Yeni Azərbaycan Partiyası Masallı rayon təşkilatı Qadınlar Şurasının üzvləri də öz növbələrində qəhrəman övlad böyüdən şəhid valideynlərinə daim onların yanında olduqlarını bildirmişlər. Şəhid ailələri də onlara göstərilən diqqət və qayğıya görə minnətdarlıqlarını ifadə etmişlər.
Sonra Şura üzvləri Təzə Alvadı kəndində qazi, əsgər Səlimov Məhəmməd Fətəli oğlunu ziyarət etmiş, səhəti ilə maraqlanmış və Vətən Müharibəsi qəhrəmanı olmuş qazimizə daim dəstək olmağa hazır olduqlarını bildirmişlər. Qazi Məhəmməd Səlimov da öz növbəsində göstərilən diqqət və qayğıya görə öz dərin minnətdarlığını bildirmişdir.
