Masallıda "Müasir iş axtarışı bacarıqları" mövzusunda gənclərin iştirakı ilə onlayn tədbir
27 yanvar 2020 ci il tarixində "Masallı Gənclər Evi" sosial xidmət müəssisəsinin təşkilatçılığı ilə "Müasir iş axtarışı bacarıqları" mövzusunda gənclərin iştirakı ilə onlayn tədbir keçirilmişdir.
Tədbiri giriş sözü ilə açan Masallı Gənclər Evi sosial xidmət müəssisəsinin metodisti Tural Sadıqov çıxış edərək tədbirin məqsədinin gənclərin işəgötürənlərlə ilkin əlaqələrinin və gələcək karyeralarının qurulmasına, eləcə də işəgötürənlərin gələcəkdə ixtisaslı kadr seçimini aparmalarına dəstək məqsədi daşıdığını qeyd etmişdir.
Tədbirdə təlimçi İslam Ərzulladə çıxışında gənclərin malik olduqları bilik və bacarıqların işəgötürənə təqdim edilməsi, işə qəbul üçün müsahibəyə hazırlaşmaq, işəgötürən tərəfindən verilə biləcək sualların cavablandırılması ilə bağlı müasir iş axtarışı metodologiyasından irəli gələn, təcrübədə özünü doğrultmuş üsullar haqqında məlumatlar vermişdir.
Sonda gənclər mövzu ətrafında fikirlərini bildirdilər.
