Masallı rayon Gənclər və İdman İdarəsinin kollektivi idmançı qazini ziyarət etdi

Masallı rayon Gənclər və İdman İdarəsinin kollektivi idmançı qazini ziyarət etmişdir.

       Masallı rayon Gənclər və İdman İdarəsinin kollektivi II Qarabağ müharibəsinin iştrakçısı Heydərov Sadiq Mənsum oğlunun ailəsini  ziyarət etmişdir. Ziyarət zamanı Qazimizin  keçdiyi şərəfli döyüş yoldan söhbət açılıb, qayğıları dinlənilib. Qazimizin ailəsi onlar göstərilən diqqət və qayğıya görə öz minnətdarlıqlarını bildirmişdlər.
 
      Qeyd edək ki, Heydərov Sadiq Kyokusinkay karate idman növü ilə məşğul olmuş, müxtəlif vaxtlarda Respublika və beynəlxalq səviyyəli yarışların iştirakçısı və mükafatçısı olmuşdur.

    Heydərov Sadiq Mənsum oğlu 29 noyabr 1998-ci ildə Masallı rayonunun Yolağac kəndində anadan olmuşdur. 2017-2018-ci illərdə həqiqi hərbi xidmətdə olmuşdur. 2020-ci ildən müddətdən artıq hərbi qulluqçu kimi xidmətə başlamışdır. Vətən müharibəsinin başladığı ilk gündən döyüşlərə qatılmış Fizuli, Cəbrayıl, Qubadlı və Şuşa şəhərinin işğaldan azad edilməsində qəhrəmancasına döyüşmüşdür. Şuşa şəhəri uğrunda gedən döyüşlərdə yaralanmışdır. Bir müddət müalicə aldıqdan sonra yenidən xidmətə qayıtmışdır. Sadiq Azərbaycan Respublikasının Prezidenti cənab İlham Əliyevin müvafiq sərəncamları ilə "Cəsur döyüşçü" , “Qubadlının azad olunmasına görə” və "Cəbrayılın azad olunmasına görə" medalları ilə təltif edilib. Hal-hazırda xidmətini davam etdirir.