Masallı gəclərinin Dövlət Rəmzləri Muzeyinə ekskursiyası
Masallıda gəclərin Dövlət Rəmzləri Muzeyinə ekskursiyası təşkil edilmişdir
12 fevral 2021-ci il tarixində Masallı rayon Gənclər və İdman İdarəsini təşkilatçılığı ilə “Covid-19” pandemiyasına qarşı əsas müdafiə tədbirlərinə əməl etmək şərtilə, “Azərbaycan gəncliyi 2017-2021-ci illərdə” Dövlət Proqramından irəli gələn vəzifələri icra etmək məqsədi ilə gənclər arasında dövlət rəmzlərini təbliğ etmək, vətənpərvərlik və vətəndaşlıq tərbiyəsi işini gücləndirmək, onların asudə vaxtlarını səmərəli təşkil , həmçinin 44 günlük Vətən müharibəsində şanlı Azərbaycan ordusu qələbə qazanaraq üçrənglı bayrağımızı işğaldan azad edilmiş torpaqlarda dalğalandırdığı üçün Masallı şəhər Dövlət Rəmzləri Muzeyinə bir qrup gəncin ekskursiyası təşkil edilmişdir
Ekskursiya çərçivəsində gənclərə muzey haqqında məlumat verilmiş və bildirilmişdir ki, Azərbaycanda dövlət atributlarına hörmət və ehtiram ulu öndər Heydər Əliyevin xalqımıza ən böyük əmanətidir. Prezident İlham Əliyevin yürütdüyü siyasətdə də millilik, gənc nəslin vətənpərvərlik ruhunda tərbiyəsi xüsusi yer tutur. Paytaxtımızla yanaşı, Masallıda da üçrəngli bayrağımızın şərəfinə muzey yaradılır və xüsusi layihələr həyata keçirilir. Bu gün hər bir azərbaycanlı dövlət bayrağını özünün qürur mənbəyi və and yeri hesab edir. Burada gənclər Azərbaycanda xanlıqlar dövrünün xəritəsi, müxtəlif dövrlərdə Azərbaycan ərazisində mövcud olmuş dövlətlərin bayraqları, XIX əsr Azərbaycan şəhərlərinin gerbləri, qədim metal sikkələr, kağız pullar, Azərbaycan Xalq Cümhuriyyəti dövrünə aid sənədlər, Azərbaycan SSR-in və müstəqil respublikamızın konstitusiyaları, dövlət atributları, ümummilli lider Heydər Əliyevin andiçmə mərasiminə dair fotoşəkillər və Ulu Öndərimizin dövlət rəmzləri haqqında kəlamları, Prezident İlham Əliyevin andiçmə və Dövlət Bayrağı Meydanının açılışı mərasimlərindən fotoları, poçt markaları, orden və medalları ilə tanış oldular.
Tədbirdə iştrak edən gənclər bu səpkidə təşkil edilən tədbirləri yüksək qiymətləndirmiş və bütövlükdə gənclər üçün muzeydəki eksponatlar çox maraqla qarşılandığını bildirmişlər.
