Masallıda Beynəlxalq uşaq kitab günü

02 aprel 2015-ci il tarixdə Masallı rayon Gənclər və İdman İdarəsinin Təşkilatçılığı ilə Masallı şəhər Mərkəzi kitabxanasında 02 aprel Beynəlxalq Uşaq kitab günü ilə əlaqədar olaraq “Kitab mənim dostumdur” mövzusunda məktəblilərlə görüş keçirilmişdir.

Tədbiri giriş sözü ilə açan Masallı rayon Gənclər və İdman İdarəsinin rəisi Camal Manafov çıxışında uşaqların tərbiyəsində kitabların xüsusi yer tutduğunu və kitabların onların zəngin mənəvi zövqə malik bir insane kimi tərbiyə etməsindən , öz xalqının mübarizələrlə zəngin tarixi keçmişinə dərindən bələd olmasına imkan yaratdığını ön plana çəkdi. Sonra uşaqların, yeniyetmə və gənclərin kitabxanalara cəlb edilməsi sahəsində görülən işlərdən və keçirilən tədbirlərdən danışaraq bildirdi ki, bundan sonra da bu sahədə olan tədbirlər davamlı şəkildə təşkil ediləcək və gənclərin kitabxanalara,  mərkəzlərə cəlb edilməsinə şəraitin yaradılacağını bildirdi.

Sonra tədbirdə Masallı şəhər Mərkəzi kitabxanasının direktoru Ələddin Nəzərov, Masallı rayon təhsil şöbəsinin metodisti Münəvvər Əzimova çıxış edərək Uşaqların sağlam mühitdə düzgün tərbiyə edilərək böyüdülməsi parlaq bir gələcəyin təminatı olduğunu,  onların tərbiyəsində isə kitablar xüsusi və danılmaz bir yer tutuğunu bildirdilər .

Tədbirin sonunda məktəblilər bir sıra kitablarla tanış oldular.