Masallıda “İntellekt” bilik yarışı üzrə Rayon birinciliyi

08 Aprel 2015-ci il tarixdə Masallı rayon Gənclər və İdman İdarəsinin təşkilatçılığı və Masallı rayon Təhsil şöbəsinin dəstəyi  ilə  Gənclər Mərkəzində14-29 yaşlı gənclər və  Masallı rayon  orta ümumtəhsil məktəblərinin IX-X-XI sinif şagirdləri arasında  “İntellekt”  bilik yarışı üzrə Rayon  birinciliyi keçirilmişdir.
Tədbirin açılış mərasimində Rayon Gənclər və İdman İdarəsinin rəisi Camal Manafov çıxış edərək iştirakçıları salamlamış və    “Azərbaycan gəncliyi  2011-2015-ci illər”   Dövlət Proqramının müvafiq bəndlərinin icrasının təmin ediləsi məqsədilə görülüən işlərdən və  cənab Prezident İlham Əliyevin gənc nəslə xüsusi diqqətindən danışmış, onlara hər bir sahədə göstərilən   qayğıdan həmçinin respublikada dövlət gənclər siyasətinin uğurlu inkişafından danışmışdır.Sonra tədbirin məqsəd və vəzifələri haqqında gəncləri məlumatlandırmış,və “İntellek” oyununun keçirilməsində əsas məqsədin gənclərin intellektual səviyyəsini, dünyagörüşünü, zehni inkişafını stimullaşdırmaq, onlar arasında bilik və elmin nüfuzunu artırmaq, Azərbaycanın zəngin milli mədəniyyətinin və tarixinin təbliği eləcə də gənclərin asudə vaxtlarının səmərəli təşkili istiqamətində yeni üsullar tətbiq etməkdən ibarət olduğu bildirilmişdir.
Gərgin və maraqlı mübarizə şəraitində  keçən İntellektual bilik yarışda 16  məktəb komandası öz bilik -bacarıqlarını və intellektual səviyyələrini sınamışlar. Yarışın yekununda Q.İsmayılov  adına Şərəfə kənd tam orta məktəbin komandası I yerə, C.Qassımov adına  Banbaşı  kənd tam orta məktəbinin komandası  II yerə, S.Tağıyev adına Şəhər 4 saylı tam orta məktəbin komandası III yerə   layiq görülmüşdür. Fəallığına görə isə Mahmudavar kənd tam orta məktəbin komandası diplomla təltif  edilmişdir.
         Rayon  birinciliyində  qalib gəlmiş  bütün  komandalar    Rayon  Gənclər və İdman idarəsi tərəfindən  Kubok, diplom və qiymətli hədiyyələrlə  mükafatlandırılmışdır.