Masallının Milli Qəhrəmanı anıldı

17 fevral 2021-ci il tarixdə Masallı rayon İcra hakimiyyəti başçısının birinci müavini Məmmədhüseyn Hüseynov, Qafqaz Müsəlmanları İdarəsinin bölgə qazısı Rəşid Talıbov və Masallı şəhər Heydər Əliyev Mərkəzinin əməkdaşı, Müharibə veteranı Nurlan Muradov Masallı rayon Sərçuvar kəndində Azərbaycan Respublikasının Milli Qəhrəmanı Səfəralı Qurban oğlu Məmmədovun anım mərasimi ilə əlaqədar Milli Qəhrəmanın evində olmuş anası ilə görüşmüşlər.

İlk olaraq mərasim iştirakçıları Milli Qəhrəmanın məzarını ziyarət etmiş, xatirəsini bir dəqiqəlik sükutla yad etmiş və ruhuna dualar oxumuşlar. Sonra Milli Qəhrəmanın anası ilə görüşən rayon rəsmiləri ailənin vəziyyəti ilə maraqlanmış və Milli Qəhrəmanın anası ilə xatirələrini bölüşmüşlər. Mərasimdə Masallı rayon İcra hakimiyyəti başçısının Sərçuvar kənd inzibati ərazi dairəsi üzrə nümayəndəsi Xəzər Tağıyev, kənd ağsaqqalları, ziyalılar, Milli Qəhrəmanın adını daşıyan Sərçuvar kənd orta məktəbinin müəllim və şagir kollektivi iştirak etmişlər. Şagirdlər vətənpərvərlik mövzusunda şerlər söyləmişlər.

Sonda Milli Qəhrəmanın anası Şahbəstə Məmmədova onlara göstərilən diqqət və qayğıya görə Ölkə başçısı Cənab İlham Əliyevə, rayon İcra hakimiyyətinə və qonaqlara dərin minnətdarlğını bildirdi.