"Xocalı soyqırımı tariximizin qan yaddaşı" mövzusunda gənclərlə onlayn görüş
Yeni Azərbaycan Partiyası Masallı rayon təşkilatı tərəfindən Xocalı soyqırımının 29 illiyi ilə əlaqədar "Xocalı soyqırımı tariximizin qan yaddaşı" mövzusunda gənclərlə onlayn görüş keçirmişdir.
İlk öncə tədbir iştirakçıları şəhidlərin xatirəsini bir dəqiqəlik sükutla yad etdilər.
Sonra Yeni Azərbaycan Partiyası Masallı rayon təşkilatı Gənclər Birliyinin sədri Bəxtim Qarayev "Xocalı soyqırımı tariximizin qan yaddaşı" mövzusunda məruzə ilə çıxış etdi. Tədbirdə iştirak edən Yeni Azərbaycan Partiyası Masallı rayon təşkilatının sədri Seyfəddin Əliyev bildirdi ki, xalqımız qan yaddaşına yazılmış acı günləri heç bir zaman unutmayacaq və gənclərimiz tarix boyu xalqımıza qarşı törədilmiş vəhişilikləri sonrakı nəsillərə danışacaqdır.
Onlayn görüşdə Qarğalıq kənd orta məktəbinin tarix müəllimi, Vətən müharibəsi veteranı Ceyhun Qurbanov, Yeni Azərbaycan Partiyası Masallı rayon təşkilatının gəal gənci Könül Qənbərova və başqaları mövzu ətrafında çıxışlar etdilər.
