Masallı Gənclər Evinin əməkdaşları qazini ziyarət etdi

19 Fevral 2021- ci il tarixdə Masallı Gənclər Evi sosial xidmət müəssisəsinin kollektivi II Qarabağ müharibəsi iştirakçısı Rzalı Xəqan Şahin oğlunu ziyarət etmişdir. Ziyarət zamanı Qazimizin keçdiyi şərəfli döyüş yoldan söhbət açılıb, qayğıları dinlənilib. Qəhrəmanımız müharibədə qələbə qazanmağının sevincini, döyüş xatirələrini bizimlə bölüşdü. Vətən müharibəsi başladığı gündən etibarən şəxsi heyət arasında qələbəyə inamın yüksək olduğunu bildirdi.

Rzalı Xəqan Şahin oğlu 6 iyul 1997-ci ildə Masallı şəhərində anadan olub. 2003 cü ildə Masallı şəhər N.Nərimanov adına 2 saylı tam orta məktəbin birinci sinifinə daxil olmuş, 2014 cü ildə həmin məktəbin 11 ci sinifini bitirmişdir. 2014-cü ildə Azərbaycan Dövlət Aqrar Universitetinin Torpaqşünaslıq və aqro kimya ixtisasına daxil olmuş, 2018 ci ildə isə həmin ixtisası bitirmişdir. Aqro kimya ixtisası üzrə magistr təhsilini 2018- 2020-ci illərdə Bakı Dövlət universitetində almışdır. 2020-ci il iyul ayında həqiqi hərbi xidmətə çağrılmışdır.27 sentyabr 2020-ci il tarixdə Azərbaycan Silahlı Qüvvələri tərəfindən Vətən müharibəsi zamanı Füzuli, Cəbrayıl, Xocavənd, Şuşa şəhərlərinin azad olunması uğrunda gedən döyüşlərdə iştirak etmişdir. Qəhrəmanımız Oktyabrın 3 də Füzuli şəhəri uğrunda gedən döyüşlərdə yaralanmasına baxmayaraq oktyabrın 10- da yenidən döyüşlərə qatılmışdır. Xəqan Rzalı Şuşa şəhəri uğrunda gedən döyüşlərdə 2 ci dəfə yaralanmışdır. Hal hazırda müalicəsi davam etdirilir.