Masallı rayonu Ərkivan qəsəbəsində "Zəhmətkeş qadınlar unudulmur" adlı aksiya
Ərkivan xeyriyyəçiləri 8 Mart Beynəlxalq Qadınlar bayramı münasibətilə Masallı rayonunda "Zəhmətkeş qadınlar unudulmur" adlı aksiya keçirib.
Ərkivan qəsəbə sakini, asiya.az saytının baş redaktoru Cəfər Cəfərovun təşkilatçılığı, iş adamları Nəsib Mirzəyev və Elşən Həsənovun dəstəyi ilə baş tutan aksiyada qəsəbə könüllüləri küçələrin təmizlik işlərini həyata keçirən zəhmətkeş Azərbaycan qadınlarını təbrik edib, onlara bayram hədiyyələri təqdim ediblər.
Asiya.az saytının baş redaktoru Cəfər Cəfərov bildirib ki, "Zəhmətkeş qadınlar unudulmur" adlı aksiyanı keçirməkdə əsas məqsədimiz 8 Mart - Beynəlxalq Qadınlar günü münasibətilə ən çox zəhmətə qatlaşan, rayonumuzun təmizlənməsində hər zaman xüsusi xidmətləri olan fədakar ana və bacılarımızı sevindirməklə onları unutmadığımızı bildirmək olub”.
Aksiyada Ərkivan qəsəbə ərazi nümayəndəliyinin əməkdaşları və “Tərəqqi” Gəncliyin İnkişafı İctimai Birliyinin sədri Raci Səfərov fəal iştirak etmişdir.
