Masallının “Vətən Müharibəsi Qəhrəmanı” İntiqam Əsgərlinin övladı dünyaya göz açdı
Masallı rayon İcra hakimiyyəti başçısının maüvini, İctimai-siyasi və humanitar məsələlər şöbəsinin müdiri Aybəniz Qafarova və rayonun bir qrup fəal qadını Masallı rayon Viləş kəndində Şəhid “Vətən Müharibəsi Qəhrəmanı” İntiqam Əsgərlinin övladının dünyaya göz açması ilə əlaqədar ailəsi ilə görüşmüşlər.
Görüşdə Aybəniz Qafarova qəhrəman atasının adını daşıyan övladı dünyaya gətirən ananı təbrik etmiş, körpənin babası Bayram Əsgərli və nənəsi Ziba Əsgərliyə gözaydınlığı verərək Masallı rayon İcra hakimiyyətinin başçısı Şahin Məmmədovun təbriklərini çatdırmışdır.
Qeyd edək ki, Şəhid “Vətən Müharibəsi Qəhrəmanı” İntiqam Əsgərlinin qardaşı Xüsusi Təyinatlı Qüvvələrin mənsubu Şəhid Nurlan Əsgərli 2016-cı ilin “Aprel döyüşləri” zamanı böyük qəhrəmanlıq göstərərək şəhdlik zirvəsinə ucalmışdır.
Şəhidin anası Ziba xanım hər iki övladının torpaqlarımızın azadlığı uğrunda şəhid olmasından qürur hissi keçirdiyini bildirmiş, göstərilən diqqət və qayğıya görə Ölkə Başçısı Cənab İlham Əliyevə, Masallı rayon İcra hakimiyyətinin başçısı Şahin Məmmədova təşəkkürünü bildirmişdir.
.jpeg)
