Masallıda faşizm üzərində Qələbənin 70 illiyi qeyd edilib
09 may 2015-ci il tarixdə Masallı şəhər “Qəhrəmanlar parkı”nda faşizm üzərində Qələbənin 70 illiyi münasibəti ilə tədbir keçirilmişdir. Mərasimdə İkinci Dünya müharibəsində həlak olan soydaşlarımızın xatirəsi ehtiramla yad edilib.
Tədbirdə rayonun rəhbər işçiləri, müharibə veteranları, ictimaiyyət nümayəndələri Ümummilli lider Heydər Əliyevin abidəsini ziyarət edib, İkinci Dünya müharibəsində həlak olmuş Masalıların xatirəsinə ucaldılan abidə-kompleksinin önünə əklillər və gül dəstələri düzüblər.
Mərasimdə çıxış edən müharibə veteranları 70 il əvvəl alman faşizmi üzərində qazanılmış qələbənin tarixi əhəmiyyətindən danışıb, ölkəmizdə veteranlara göstərilən diqqət və qayğıya görə Prezident İlham Əliyevə minnətdarlıqlarını bildiriblər.
Veteranlar bu gün də Azərbaycanın igid oğullarının düşmən tapdağı altında olan torpaqlarımızı azad etməyə daim hazır olduqlarını diqqətə çatdırıblar.
Tədbirdə İkinci Dünya müharibəsi İştirakçılarına Azərbaycan Respublikası Prezidentinin Qələbənin 70 illiyi münasibəti ilə təsis etdiyi yubiley medalları təqdim edilib.
Mərasim ədəbi-bədii kompozisiya və şer parçalarının səsləndirilməsi ilə davam etdirilib.
