II Qarabağ müharibəsinin iştrakçısı Xalid Adilzadə ilə gənclərin görüşü

Masallı rayon Gənclər və İdman İdarəsinin kollektivi Vətən Müharibəsinin iştrakçısı olmuş idmançını ziyarət etmişdir.

02 aprel 2021-ci il tarixdə Masallı rayon Gənclər və İdman İdarəsinin kollektivi II Qarabağ müharibəsinin iştrakçısı müharibə veteranı Adilzadə Xalid Qadir oğlunu ziyarət etmişdir. Ziyarət zamanı idmançımızın keçdiyi şərəfli döyüş yoldan söhbət açılıb, qayğıları dinlənilib. idmançımız onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə öz minnətdarlığını bildirmişdir.

Adilzadə Xalid Qadir oğlu 23 iyun 1992-ci ildə Masallı rayonunun Böyük Xocavar kəndində anadan olmuşdur.2010-2011-ci illərdə həqiqi hərbi xidmətdə olmuşdur. Vətən müharibəsinin başladığı ilk güdən könüllü olaraq döyüşlərə qatılmış , Cəbrayıl və Qubadlı rayonlarının işğaldan azad edilməsində qəhrəmancasına döyüşmüşdür. Adilzadə Xalid Azərbaycan Respublikasının Prezidenti cənab İlham Əliyevin müvafiq sərəncamları ilə “Qubadlının azad olunmasına görə” və "Cəbrayılın azad olunmasına görə" medalları ilə təltif edilib.

Qeyd edək ki, Adilzadə Xalid Kyokusinkay karate idman növü ilə məşğul olmuş , müxtəlif vaxtlarda Respublika və beynəlxalq səviyyəli yarışların iştirakçısı və mükafatçısı olmuşdur.