Masallıda Yunan-roma güləşi idman növü üzrə rayon birinciliyi keçirildi
23-24 may 2015-ci il tarixlərdə Ərkivan qəsəbə Mədəniyyət evində Masallı rayon Gənclər və İdman idarəsinin təşkilatçılığı ilə 28 May Respublika Gününə həsr olunmuş kiçik yaşlı uşaqlar, yeniyetmə və gənclər arasında Yunan-roma güləşi idman növü üzrə rayon birinciliyi keçirilmişdir.
Tədbirin keçirilməsində əsas məqsəd 28 May Respublika Gününün qeyd edilməsi, idmanın kütləviliyinin təmin olunması, güləş idman növünün inkişaf etdirilməsi, kiçik yaşlı uşaqlarda, yeniyetmə və gənclərdə güləş idman növünə marağın artırılması olmuşdur.
10 çəki dərəcəsində 72 nəfər kiçik yaşlı uşaqlar , yeniyetmə və gənclərin iştrakı ilə keçirilən yarış olduqca gərgin mübarizə şəraitində keçirilmişdir. Yarışda qalib gəlmiş idmançılar Masallı rayon Gənclər və İdman İdarəsi tərəfində diplom və medallarla mükafatlandırılmışdır.
