Hacıtəpə kəndində abadlıq-quruculuq işləri
Masallı Rayon İcra Hakimiyyətinin başçısının Xırmandalı inzibati ərazi dairəsi üzrə nümayəndəsi Məhəmməd Yusifovun verdiyi məlumatda qeyd olunur ki, kənddə abadlıq-quruculuq işləri davam etdirilir. Belə ki, ərazinin Hacıtəpə kəndinin giriş qapısına "Hacıtəpə" lövhəsi quraşdırılmışdır. Həmçinin Hacıtəpədə ümumi uzunluğu 2.5 kilometr olan kənd və məhəllədaxili yolları hamarlanmış, üzərinə daş, çınqıl tökülmüşdür. -Kənd daxili yolları məişət tullantılarından təmizlənmiş və həmin yerlərə 500-ə yaxın şam ağacı əkilməsi nəzərdə tutulmuşdur. -Abadlıq işlərinə, əsasən Masallı Rayon İcra Hakimiyyətinin təşəbbüsü ilə Milli Məclisin deputatı Məşhur Məmmədov, Xırmandalı inzibati ərazi dairəsi üzrə nümayəndəliyi və Hacıtəpə kənd xeyriyyəçiləri dəstək göstərmişdir.
